«Կանայք քաղաքականության մեջ – 2015». ներկայացվեց նոր քարտեզը

Երեկ Կանանց դրության  հանձնաժողովի 59-րդ նստաշարջանի շրջանակներում Միջխորհրդարանական միությունը ներկայացրել  է  «Կանայք քաղաքականության մեջ – 2015»  նոր  քարտեզը : Քարտեզը ցույց է տալիս, որ չնայած կանանց թիվը գործադիր իշխանությունում և խորհրդարանում շարունակում է ավելանալ, սակայն  դանդաղ առաջընթացը կարող է արգելակել է  զարգացման բոլոր ծրագրերը, որոնք կընդունվեն այս տարի: Կազմակերպությունը  հիշեցնում է,  որ  կանանց քաղաքական մասնակցության ընդլայնումը դեռեւս 1995-ից արդեն իսկ ամրագրվել էր գլոբալ զարգացման թիրախներում և, ամենայն հավանականությամբ, կարտահայտվի  նաև նոր կայուն զարգացման օրակարգում:

Քարտեզը, որը ներկայացնում է քաղաքականության մեջ կանանց ներկայացվածության վերաբերյալ  ամենավերջին տվյալները և վարկանիշները գլոբալ եւ ազգային մակարդակներում, գենդերային հավասարության տեսակետից բավականին տխուր պատկեր է  բացահայտում: Չնայած 2014 –ի հունվարի  – 1-ի  համեմատ    կին նախարարների թիվը  աճել  է  670-ից   715 ,  կանայք կազմում են աշխարհի նախարարների միայն 17.7%: Ընդհանուր առմամբ,  2005-ից հետո կին նախարարների թիվն աճել է  ընդաամենը  3.5 միավորով:

«Ցանկացած առաջընթաց ողջունելի է: Սակայն մենք դեռևս շատ հեռու ենք և շատ երկար ճանապարհ ունենք անցնելու՝ հասնելու համար այն աշխարհին, որտեղ գենդերային հավասարություն է և կանանց լիարժեք մասնակցություն», – ասաց միջխորհրդարանական միության նախագահ Սաբեր Չոդհուրին:

Երեսուն երկրներում կան 30% կին նախարարներ, ընդ որում  վարկանիշային սանդղակը գլխավորում են  Ֆինլանդիան, Կաբո Վերդեն, Շվեդիան, Ֆրանսիան և Լիխտենշտեյնը:  Ներկայումս միայն ութ երկիր կա, որտեղ կանայք ներկայացված չեն իշխանությունում. Բոսնիա Հեցեգովինա, Բրունեի, Հունգարիա, Պակիստաըն,Սաուդյան Արաբիա, Սլովակիա, Տոնգա, Վանուատու: Եվս  մի քանի երկրներում՝ Պերուում, Մալավիում, Դանիայում, Բելգիայում և Պարագվայում էական՝  մինչև 2-6 կին նախարարների նվազումներ նկատվեցին:

Ամերիկան շարունակում է մնալ այն մայրցամաքներից մեկը, որտեղ ամենաշատ կին նախարարներն են ներկայացված կառավարություններում, մինչդեռ Եվրոպան և Աֆրիկան երկրորդ և երրորդ տեղում են:

Չնայած կանանց ամենատարածված պորտֆոլիոները շարունակում են մնալ սոցիալական հարցերի, կրթության, ընտանիքի և  կանանց հարցերի ոլորտները,  թեթև առաջընթաց է նկատվում պաշտպանության, շրջակա միջավայրի և արտաքին կապերի ոլորտներում, սակայն այժմ ավելի քիչ կանայք են զբաղված ֆինանսների ոլորտում:

Քարտեզը ցույց է տալիս նաև կանանց ներկայացվածությունը աշխարհի խորհրդարաններում արդեն 22% է կազմում, սակայն 2014–ին արձանագրված աճի տեմպերը  նախորդ տարվա համեմատ զգալի նվազել են:

Քաղաքական ղեկավարության մակարդակով, առաջընթացը տարվա ընթացքում  ավելի հուսադրող էր: Այսօր աշխարհում պետությունների ղեկավարների թվում  19 կին կա, ինչպես նաեւ կանայք կազմում են խորհրդարանի խոսնակների 15.8%-ը: Այնուամենայնիվ, այդ ցուցանիշը բավականին ետ է մնում  Պեկինյան գործողությունների ծրագրի շրջանակներում  ամրագրված գենդերային հավասարության   50/50 բանաձեւից:   Այնուամենայնիվ,  ՄԱԿ- Կանայք  գործկալությունը   կոչ է անում  նորացված պարտավորություններ  վերցնել եւ մինչեւ  2030 թ. հասնել  Պեկինում նախանշված  նպատակին:

Երեւան-Նյու Յորք

Կարդացեք թեմայի շուրջ մեր կայքում

«Յուրաքանչյուր կին, յուրաքանչյուր երեխա». հաջողվել է փրկել 2,4 մլն. կյանք

«Կանայք քաղաքականության մեջ – 2015». ներկայացվեց նոր քարտեզը

Բիզնեսը հավասարություն է ենթադրում

ՄԱԿ- ը հավակնոտ նպատակ հռչակեց՝ մինչև 2030թ. հասնել գենդերային հավասարության

Կանանց երթը Նյու Յորքում « Մոլորակ 50/50» կարգախոսով

«Կապանքներից ազատենք կանանց ներուժը հանուն բոլորի համար ապահով ապագայի»