Կանայք կարող են աշխարհն ավելի խաղաղ դարձնել. Խաղաղության և Անվտանգության ութ բանաձև
2000 թվականից սկսած ՄԱԿ-ի Անվտանգության խորհուրդն ընդունել է ութ բանաձև, որոնք ընդգրկում են խաղաղության և անվտանգության հարցերում կանանց մասնակցության տարբեր կողմեր: Ու թեպետ այդ բանաձևերով հաստատվել է, որ կանանց դերի բարձրացումը և գենդերային հավասարության ապահովումը հանդիսանում են միջազգային խաղաղության և անվտանգության բանալին, սակայն գործնականում այս թեզը դեռ անտեսված է:
Առաջինը ՄԱԿ-ի Անվտանգության խորհրդի հոկտեմբերի 31-ին 2000-ին ընդունված «Կանայք, խաղաղությունը և անվտանգությունը» 1325 բանաձևն էր, որն ուղղված է կանանց վրա զինված հակամարտությունների հետևանքների բացասական ներգործությունը մեղմելուն և կանանց դերի բարձրացմանը հակամարտությունների կանխարգելման և կարգավորման, խաղաղության պահպանման գործում:
2008-ին ընդունված 1820 (2008) բանաձևն ուշադրությունը շեշտադրում է այն փաստը, որ հակամարտության պայմաններում սեռական բռնությունը ռազմական հանցագործություն է:
Հաջորդ թիվ 1888 (2009) բանաձևում ՄԱԿ-ի ԱԽ-ն հանձնարարում է խաղաղապահ առաքելություններին զինված հակամարտության պայմաններում ապահովել կանանց և երեխաների պաշտպանությունը սեռական բռնությունից:
Մյուս ` թիվ 1889 (2009) բանաձևը պարունակում էր քաղաքական գործընթացներում կանանց մասնակցության հետագա ընդլայնման կոչ, ինչը 1325 բանաձևի իրականացման անհրաժեշտ պայմանն է: Խոսքը« ըստ էության, իշխանության համար պայքարի կանոնների փոփոխության մասին է:
2010-ին ընդունվեց թիվ 1960 (2010) բանաձևը, որը կանանց հիմնախնդիրների, խաղաղության և անվտանգության համատեքստում զարգացնում և խորացնում է սեռական բռնության դեմ պայքարի թեման:
2013-ին ընդունվեցին ևս 2 բնաձև: Մեկը հակամարտությունների ընթացքում սեռական բռնության համար անպատժելիության դեմ պայքարին ուղղված թիվ 2106 (2013)բանաձևն է, որում շեշտադրվում է կանանց քաղաքական, սոցիալական և տնտեսական իրավունքների ու հնարավորությունների ընդլայնման անհրաժեշտությունը: Մյուսը՝ թիվ 2122 (2013) բանաձևը, որում ընդգծվում է հիմնական 1325 բանաձևի կատարման համար պատասխանատվությունը, ինչպես նաև խաղաղության, անվտանգության և զարգացման ապահովման ջանքերում կանանց մասնակցության կարևորությունը:
Անցյալ տարի 1325 բանաձևի ընդունամն 15-ամյակի կապակցությամբ ՄԱԿ-ի Անվտանգության խորհրդի հատուկ նիստում ընդունվեց ևս մեկ բանաձոև թիվ 2242 (2015)բանաձևը: Այս փաստաթուղթը թվով ութերորդ բանաձևն է ՝ կանայք, խաղաղությունը և անվտանգությունը թեմայով:
Մինչդեռ աշխարհում փախստականների թիվն աճում է երկրաչափական պրոգրեսիայով և նրանց մեծ մասը կանայք ու երեխաներ են:
Հակամարտությունների կարգավորման մեջ կանանց մասնակցությունը մնում է խիստ սահմանափակ .
– 1992-2009 թթ. ժամանակահատվածում սկսված միայն 5,9% խաղաղության բանակցություններին են կանայք մասնակցել:
– Հաշտության պայմանագրերի միայն 2,4%-ն է ստորագրվել կանանց ձեռքով:
– 1992-2009 թթ. ժամանակահատվածում ստորագրված 585 հաշտության պայմանագրերից միայն 16%-ում են հիշատակվում կանայք:
Որոշումների ընդունման մակարդակում կանանց ներկայացվածության ընդլայնման պահանջը, որը 1325 բանաձևի կարևոր մաս է կազմում, նույնպես շատ դանդաղ է ընթանում:
ՄԱԿ-Կանայք կառույցի տվյալներով.
-Խորհրդարաններում կանանց ներկայացվածությունը մոտ 23 տոկոս է կազմում,
-Նախարարների պաշտոններում կանայք 18 տոկոս են կազմում,
-Աշխարհի երկրներից 10-ը գլխավորում են կանայք և կառավարություններից 9-ն են ղեկավարում կանայք:
Կարդացեք թեմայի շուրջ մեր կայքում .
Հայտարարություն պատերազմը վերսկսելու Ադրբեջանի վարչակազմի փորձերի կապակցությամբ
«Կանայք, խաղաղությունը և անվտանգությունը ». 1325 բանաձևի դասերը
Մարիեթ Շուրման. «Կանանց դերը խաղաղության հասնելու համար չափազանց որոշիչ է»
Կանանց, խաղաղության ու անվտանգության մասին ՄԱԿ-ի բանաձևերը
Հայաստանը դեռևս չի մշակել թիվ 1325 բանաձևի կատարումն ապահովող ազգային ծրագիր
«Գենդերային հավասարությունը – կայուն խաղաղություն է»/ վիդեո
Դիտումների քանակը` 2765