Միացե՛ք «Կին նորարարները համավարակի և պատերազմի հետևանքները հաղթահարելու գործում» քարոզարշավին:

WomenNet.am-ը  հրավիրում է Ձեզ միանալ  «Կին նորարարները ճգնաժամը հաղթահարելու գործում» քարոզարշավին, որը  մեկնարկել է  մեր կայքում  այս տարվա փետրվարից  ՄԱԿ-ի Բնակչության հիմնադրամի աջակցությամբ:

Քարոզարշավի շրջանակում  մենք պատմում ենք  այն կանանց մասին,  ովքեր իրենց նորարար գաղափարներով և նախաձեռնություններով  օգնում են հաղթահարել Covid-19 համավարակի և Արցախում պատերազմի ծանր սոցիալ-տնտեսական և հոգեբանական հետևանքներով պայմանավորված ճգնաժամային իրավիճակը Հայաստանում: 

Մենք նորարարություն են դիտարկում ցանկացած ոլորտում կանանց այն նախաձեռնությունները, որոնք  ռեալ փոփոխություններ բերելու, շրջապատի մարդկանց աջակցելու, հասարակության մեջ անկումային տրամադրությունները  հաղթահարելու և կանանց առաջընթացն ապահովելու ներուժ ունեն: 

Ի դեպ, քարոզարշավի թեման արդիական է նաև  մարտի վերջին մեկնարկող ՄԱԿ-կանայք  կառույցի «Հավասարության սերունդ»  ֆորումի  համատեքստում , որի շրջանակում  Հայաստանը «Տեխնոլոգիաները և նորարարությունը»  գործողությունների կոալիցայի   առաջնորդ երկիր է ընտրված:  

Եթե Դուք  կամ Ձեր ծանոթ կանանցից որևէ մեկը նորարար գաղափարներ է կյանքի կոչում  կամ ուղղակի  նորարար է իր էությամբ, խնդրում ենք տեղեկացնել մեզ`

– ուղարկելով նամակ հետևյալ էլեկտրոնային  հասցեով՝ womennetam@gmail.com կամ

– թողնելով հաղորդագրություն WomenNet.am-ի ֆեյսբուքյան էջում.

Քարոզարշավի նյութերին կարող եք ծանոթանալ այստեղ.