Իսկ Դուք կանգնա՞ծ եք Փախստականների կողքին / տեսահոլովակ
Այսօր փախստականների համաշխարհային օրն է, որի այս տարվա կարգախոսն է՝ «Մենք կանգնած ենք փախստականների կողքին»:
ՄԱԿ- ի Փախստակաների հարցերով Գերագույն հանձնակատարի գրասենյակի նախաձեռնությամբ ողջ աշխարհում մեկնարկում է #WithRefugees (#ՓախստականներիԿողքին) խեշ թեգով խնդրագրի ստորագրումը, որի նպատակն է հստակ հաղորդագրություն կառավարություններին առ այն, որ վերջիններս պետք է գործեն միասնական և համընդհանուր պատասխանատվությամբ փախստականներին օգնելու համար:
…Ամեն օր պատերազմն ստիպում է հազարավոր ընտանիքների լքել իրենց տները, որոնք Ձեզ և ինձ նման մարդիկ են…
Բռնություններից խուսափելու նպատակով նրանք լքում են ամեն ինչ. ամեն ինչ՝ բացի ավելի լավ և ապահով ապագայի մասին իրենց փայփայած հույսերից և երազանքներից:
ՄԱԿ ՓԳՀ-ն՝ ՄԱԿ- ի Փախստակաների հարցերով Գերագույն հանձնակատարի գրասենյակը գտնում է, որ բոլոր փախստականները արժանի են ապրելու անվտանգ պայմաններում:
Ավելացրեք Ձեր անունը #WithRefugees (#ՓախստականներիԿողքին) խնդրագրին՝ կառավարություններին հստակ հաղորդագրություն ուղղելու նպատակով՝ առ այն, որ վերջիններս պետք է գործեն միասնական և համընդհանուր պատասխանատվությամբ:
Մենք կանգնած ենք #ՓախստականներիԿողքին:
Խնդրում ենք նաև Ձեզ կանգնել մեր կողքին:
#WithRefugees (#ՓախստականներիԿողքին) խնդրագիրը կներկայացվի Նյու Յորք ՄԱԿ-ի գլխամասային գրասենյակ՝ՄԱԿ-ի գլխավոր ասամբլեայի սեպտեմբերի 19-ին կայանալիք նիստին ընդառաջ: Խնդրագիրը հորդորում էկառավարություններին ձեռնարկել հետևյալ քայլերը՝
– յուրաքանչյուր փախստական երեխայի ապահովել կրթություն ստանալու իրավունքով,
– ապահովել, որպեսզի յուրաքանչյուր փախստական ընտանիք բնակվի անվտանգ պայմաններում,
– ապահովել յուրաքանչյուր փախստականի աշխատանքով կամ նոր հմտություններ ստանալու հնարավորությամբ,որոնք դրական ներդրում կունենան իրենց համայնքների զարգացման գործում:
Խնդրագիրը կարելի է ստորագրել այստեղ
Կարդացեք թեմայի շուրջ մեր կայքում.
«Ճգնաժամի եւ նոր կյանքի մաքառման հինգ տարին»
« Նրանք փոխըմբռնման, համերաշխության և աջակցության կարիք ունեն »… / տեսանյութեր
«Աշխարհը չի կարող պասիվորեն հետևել՝ ասես թե անկարևոր կյանքեր են կորսվում…»
Փախստականի համաշխարհային օրվա ուղերձները
Իսկ Դուք կանգնա՞ծ եք Փախստականների կողքին / տեսահոլովակ
Դիտումների քանակը` 2904