ՏԻՄ համակարգն ու կանայք / ինֆոգրաֆիկա

Այս տարի ՏԻՄ համակարգը Հայաստանում նշեց իր 20-ամյակը. առաջին անգամ ՏԻՄ ընտրություններն անցկացվել են 1996-ի նոյեմբերի 10-ին: Համակարգը դեռևս զարգացման փուլում է, անելիքներ շատ կան, հատկապես ավագանու ինստիտուտի կայացման ուղղությամբ: Կայացածության ցուցանիշներից մեկն էլ կանանց մասնակցությունն է տեղական որոշումների ընդունման մակարդակում, և այդ առումով պետք է փաստել, որ կանանց թիվը ՏԻՄ-երում միշտ էլ ցածր է եղել:

ՏԻՄ-երի գոյության 20 տարվա ընթացքում կանանց թիվը համայնքների ղեկավարների թվում գրեթե չի փոխվել` տարիներ շարունակ մնալով 2%-ի սահմաններում և յուրահատուկ «ապակե առաստաղ» գծելով կանանց համար:

Այդ նույն ժամանակահատվածում կանանց թիվը ավագանիների կազմում գրեթե կրկնակի աճել է, սակայն այն շարունակում է շատ ցածր մնալ` կազմելով ընդամենը 11,7%: ՀՀ տարածքային կառավարման և զարգացման նախարարության տվյալներով ներկայումս Հայաստանի 793 համայնքներում գործում են 5368 ավագանու անդամներ, որից 633-ը կանայք են:

Այսօր կանայք 17 համայնք են ղեկավարում:

Դրանց թվում  են .

Արարատի մարզի` Վ. Դվին,

Արմավիրի մարզի` Արևաշատ և Արտամետ,

Գեղարքունիքի մարզի` Գեղաքար, Ծափաթաղ, Շատջրեք,

Լոռու մարզի` Բազում, Դաշտադեմ, Մեղվահովիտ, Պաղաղբյուր,

Կոտայքի մարզի` Նոր Երզնկա,

Շիրակի մարզի` Ախուրիկ, Ամասիա,

Սյունիքի մարզի` Հացավան, Շիկահող, Շրվենանց, Տորունիք

համայնքները:

***

Հայաստանի երեք մարզում` Արագածոտնում, Տավուշում և Վայոց ձորում, կին համայնքի ղեկավարներ չկան:

***

Հանրապետության որևէ քաղաք կին չի ղեկավարում:

WomenNet.am

Տվյալները՝ ՀՀ ԿԸՀ,  ՀՀ ԱՎԾ,

ՀՀ  Տարածքային կառավարման և զարգացման նախարարություն