Հոկտեմբերի 2. Կանանց մասնակցության գրեթե մոգական 11,2 տոկոսը

Ինչպես հայտի է, Գեղարքունիքի, Լոռու, Կոտայքի, Շիրակի, Սյունիքի և Վայոց ձորի թվով 373 համայնքներում հոկտեմբերի 2-ին տեղի ունեցած ավագանու ընտրություններին մասնակցել են 2676 տղամարդ թեկնածու և 336 կին (11.2%): Կենտրոնական ընտրական հանձնաժողովի կողմից WomenNet.am-ին տրամադրած վերջնական տվյալների համաձայն ավագանու անդամ են ընտրվել 1991 տղամարդ և 251 կին, ինչը 11.2% է կազմում : Մինչ ընտրությունները նշված 6 մարզերի ավագանիներում կանայք նույն 11.2 %-ով էին ներկայացված:

WomenNet.am –ը ներկայացնում է կանանց ներկայացվածությունն ավագանիներում ըստ մարզերի հոկտեմբերի 2-ի ընտրությունների արդյունքներով ՝ համեմատելով դրանք մինչ այդ ՀՀ ԱՎԾ-ի տվյալների հետ.

Գեղարքունիքում ավագանու 389 ընտրված անդամներից 11-ը կամ 2.8%-ը կանայք են , մինչ ընտրությունները ՀՀ ԱՎԾ-ի տվյալներով մարզի ավագանիներում միջինում 7.3% կին էր :

Լոռիում ավագանու 520 ընտրված անդամներից 100-ը կամ 19.2%-ը կանայք են, մինչ ընտրությունները մարզի ավագանիներում կանայք միջինում 12.5% էին:

Կոտայքում ավագանու 458 ընտրված անդամներից 42-ը կամ 9.2 % -ը կանայք են, մինչ ընտրությունները մարզի ավագանիներում կանայք միջինում նույնպես 8.1% էին:

Շիրակում ավագանու 407 ընտրված անդամներից 17-ը կամ 4.2 %-ը կանայք են, մինչ ընտրությունները մարզի ավագանիներում կանայք միջինում 10.1% էին

Սյունիքում ավագանու 299 ընտրված անդամներից 73-ը կամ 24.4 % կանայք են, մինչ ընտրությունները մարզի ավագանիներում կանայք միջինում 19.4% էին: Ի դեպ, Սյունիքում նաեւ սեպտեմբերի 18-ին են ընտրություններ կայացել եւ դրանց արդյունքներով ընտրված 55 ավագանու անդամից 3-ն են կին կամ 5.5% -ը:

Վայոց Ձորում ավագանու 157 ընտրված անդամներից 8-ը կամ 5.1 %-ը կանայք են, մինչ ընտրությունները մարզի ավագանիներում կանայք միջինում 6.3% էին:

Ընդհանուր առմամբ, ընտրությունների արդյունքում կանանց ներկայացվածությունը ավելացել է միայն Լոռու, Կոտայքի եւ Սյունիքի ավագանիներում: Մնացած մարզերում ավագանիներում կանանց թվի նվազեցում է արձանագրվել, ինչը կարելի է նաեւ բացատրել խոշորացվասծ համայնքների ավագանիներում կանանց ներկայացվածության զգալի նվազեցմամբ:

***

Հոկտեմբերի 2-ին տեղի ունեցած համայնքի ղեկավարի ընտրություններում 290 ընտրված համայնքապետներից 7-ն են կանայք, նրանցից 6-ը վերընտրված համայնքի ղեկավարներ են: Հիշեցնենք, որ որպես համայնքի ղեկավար առաջադրված էր 507 տղամարդ, 16 կին:

Ըստ մարզերի արդյունքները հետևյալն են.

Գեղարքունիքում առաջադրված 99 տղամարդկանցից ընտրվել են 51-ը, 2 կանանցից՝ ոչ մեկը:

Լոռիում 133 տղամարդկանցից ընտրվել են 74-ը, 5 կանանցից՝ 2-ը, Բազում և Պաղաղբյուր գյուղերի գործող համայնքապետներ են՝ Սրբուհի Հարությունյանը եւ : Արուսյակ Դումիկյանը:

Կոտայքում 67 տղամարդ թեկնածուից ընտրվել է 42-ը, 2 կանանցից՝ մեկը, Նոր Երզնկայի գործող գյուղապետ Ալինա Հարությունյանը :

Շիրակում 103 տղամարդ թեկնածուից հաղթանակ է տոնել 52-ը, երկու կանանցից՝ մեկը, խոշորացաված Ամասիան կղեկավարի Ջեմմա Հարությունյանը,:

Սյունիքում 67 տղամարդ թեկնածուներից հաջողության է հասել 44-ը, 5 կանանցից՝ 3-ը, Հացավան, Շիկահող, Շրվենանց գյուղերում: Երեքն էլ գործող գյուղապետներն են. Շուշան Մարգարյանը Նարե Ղազարյանը, Արմինե Մանուկյանը:

Վայոց Ձորում 38 տղամարդ թեկնածուից ընտրվել է 20-ը, կանայք այստեղ համայնքի ղեկավարի ընտրություններին չէին մասնակցում:

Ընդհանուր առմամբ, հոկտեմբերի 2-ին կայացած ընտրությունների արդյունքում, կին համայնքապետների թիվը նշված մարզերում չի փոխվել:

Հ. Կարապետյան

Կարդացեք թեմայի շուրջ մեր կայքում.

Արարատի մարզում կանանց ներկայացվածությունը ավագանիներում կրկնակի աճել է

Հոկտեմբերի 2. Կանանց մասնակցության գրեթե մոգական 11,2 տոկոսը

Խոշորացված համայնքներում կին ավագանիների թիվը երեք անգամ պակասել է

Վանաձոր-2016. Նախնական տվյալներով ավագանիում 7 կին կլինի/ լրացված

Գյումրի-2016. Նախնական տվյալներով ավագանիում կանայք 21% են կազմելու

Հոկտեմբերի 2. Ինքնաբացարկներից հետո համայնքի ղեկավար կին թեկնածուների շարքերը կիսով չափ նոսրացել են

Հոկտեմբերի 2 . Համայնքի ղեկավարների 687 թեկնածուներից 38-ը կանայք են

Սեպտեմբերի 18. Համայնքների կին ղեկավարների թիվը չի ավելացել, երկուսըն վերընտրվել են իրենց պաշտոնում