Պատկերացրեք խաղաղությունը…

Բրիտանական «The Beatles» լեգենդար խմբի անդամ Ջոն Լենոնի այրին՝ ճապոնուհի Յոկո Օնոն ՄԱԿ-ին է փոխանցել ամուսնու հայտնի  Imagine  (Պատկերացրե՛ք) երգի իրավունքները: Այս երգը վաղուց արդեն խաղաղության համար պայքարողների   համաշխարհային օրհներգ է հանդիսանում:  Երգում հեղինակը հավասարության և եղբայրության կոչ է անում աշխարհի  բոլոր մարդկանց՝ անկախ պետություններից և կրոններից.

« Կարող եք մտածել, թե երազող եմ,սակայն ես միակը չեմ…  Միայն պատկերացրեք աշխարհը առանց սահմանների և պայմանականությունների. այլևս պատճառ չկա սպանելու կամ կռվելու որևէ բանի համար…»

«Լենոնը գրել է այս երգը 1971 թվականին, սակայն աշխարհն  այն ժամանակվանից  ավելի լավը չի դարձել » , – ասել է  Յոկո Օնոն, կոչ անելով ՄԱԿ-ին՝   ամեն ինչ անել երգի գաղափարը իրականություն դարձնելու համար, իսկ  ողջ աշխարհի մարդկանց՝ ինչքան հնարավոր հաճախ պատկերացնել  խաղաղությունը…

Կարդացեք թեմայի շուրջ մեր կայքում. 

Խաղաղության միջազգային օր. ինչպիսի՞ն էր այն աշխարհում