Պեկին+20. Քարոզարշավի ամփոփում

Անոնս

Womennet.am –ը ամփոփում է

« Կանանց հիմնախնդիրները չեն ծերանում» տեղեկատվական քարոզարշավը

Քարոզարարշավի նպատակն էր լուսաբանել Պեկին +20– միջազգային գործընթացը, որի մասն է կազմում նաև Հայաստանը:

1995-ին Պեկինում կայացած Կանանց դրության ՄԱԿ-ի 4-րդ համաշխարհային գագաթնաժողովում 189 պետությունների կառավարությունները, այդ թվում Հայաստանի կառավարությունը, պարտավորություններ ստանձնեցին կյանքի կոչելու կանանց ու տղամարդկանց հավասար իրավունքների եւ հավասար հնարավորությունների ապահովման գաղափարը: Այս գաղափարը ամրագրվեց գագաթնաժողովում ընդունված Պեկինի հռչակագրի և գործողությունների ծրագրում, որոնք ողջ աշխարհի համար «ճանապարհային քարտեզ» դարձան գենդերային հավասարության ապահովման գործում: Այդ նույն մոտեցումը արտացոլվեց այս տարվա հունիսին մեկնարկած` Պեկին+20 գործընթացի կարգախոսում ` «Կանանց հնարավորությունների ընդլայնումը ողջ մարդկության հնարավորությունների ընդլայնումն է: Հիշե՛ք այդ մասին» :

«Կանանց հիմնախնդիրները չեն ծերանում» մեր քարոզարշավի ընթացքում ներկայացվել են Պեկին+20 գործընթացները պարզաբանող բոլոր այն հիմնախնդիրները, որոնք ներառված են Պեկինի գործողությունների ծրագրի 12 խնդրահարույց բնագավառներում:

1. Կանայք և Աղքատությունը,

2. Կանայք և Կրթությունը ,

3. Կանայք և Առողջապահությունը,

4. Բռնությունը կանանց նկատմամբ,

5. Կանայք և Զինված հակամարտությունները,

6. Կանայք և Տնտեսությունը,

7. Կանայք և Որոշումների ընդունումը,

8. Կանանց դրության ինստիտուցիոնալ մեխանիզմները,

9. Մարդու իրավունքները,

10. Կանայք և ԶԼՄ–ները,

11. Կանայք և Շրջակա միջավայրը,

12. Աղջիկները:

Քարոզարշավը սկիզբ էր առել 2014-ի հունիսին եւ տևեց մինչև 2015-ի մարտը, երբ Կանանց կարգավիճակի հանձնաժողովի 59-րդ նստաշրջանը (2015) ամփոփեց «Պեկին+20» -ի արդյունքները և նախանշեց հետագա անելիքները::

Քարոզարշավի ընթացքում լույս տեսան «Կինը եւ քաղաքականությունը» թերթի 5 հատուկ համարներ, որոնք դուք կարող եք գտնել մեր կայքի արխիվում այստեղ հայերեն եւ անգլերեն լեզուներով:

Մենք շնորհակալություն ենք հայտնում Կանանց համար Գլոբալ հիմնադրամին, Հայաստանում ՄԱԿ-ի Բնակչության հիմնադրամին, ԵԱՀԿ- ի երեւեանյան գրասենյակին եւ Օքսֆամի հայաստանյան գրասենյակին քարոզարշավի անցկացմանը աջակցելու համար:

Կարդացեք Պեկին+20 գործընթացի մասին պատմող նյութերը մեր կայքում.

Աշխարհի առաջատար բիզնես ընկերությունները գումարներ կտրամադրեն գենդերային հավասարության հասնելու համար

Նպատակ թիվ 5 – ի՞նչ է այն ենթադրում

Համաշխարհային լիդերների հանդիպմանը հաստատվեց «Մոլորակ 50/50» պեկինյան բանաձեւը

«Երբ նշաձողը բարձր ես դնում, բարձրին էլ հասնում ես»…

Վարչապետի մոտ քննարկվեցին ՄԱԿ-ի Կանանց կարգավիճակի հանձնաժողովի 59-րդ նստաշրջանի արդյունքները

Պանդեմիայի հասնող կանանց նկատմամբ բռնությունը/ ինֆոգրաֆիկա եւ ֆիլմ
«Կանայք կարող են…». հրավեր առցանց ցուցահանդես- քննարկմանը

Ի՞նչ է խոսվել ու որոշվել ՄԱԿ-ի Կանանց կարգավիճակի հանձնաժողովի նստաշրջանում

ՄԱԿ- ը հավակնոտ նպատակ հռչակեց՝ մինչև 2030թ. հասնել գենդերային հավասարության

Կանանց նկատմամբ բռնությունը թանկ է նստում աշխարհի վրա

«Մենք սպասում ենք ձեզ, տիկին Գլխավոր քարտուղար»…

«Առնվազն 700 տարի կպահանջվի լրատվամիջոցներում գենդերային հավասարությանը հասնելու համար»