Կինոարտադրությունում ներգրաված կանանց թիվը չի բարելավվում. hետազոտություն

Կինոարտադրությունում ու հեռուստատեսությունում կանանց ներգրավվածության վերաբերյալ ուսումնասիրություններ իրականացնող կենտրոնի վերջին հետազոտության արդյունքները ցույց են տալիս, որ 1998-ից ի վեր որևէ փոփոխություն չկա, առաջընթաց չի գրանցվել:

Սան Դիեգոյում գործող  այս  կենտրոնն օրեր առաջ հրապարակել է «Ցելուլոիդի առաստաղ» խորագրով ամենամյա 19-րդ զեկույցը,  որի հեղինակը կենտրոնի տնօրեն դոկտոր Մարթա Լոզենն է:

Նա ուսումնասիրել է 2016-ի ընթացքում արտադրված ամենաեկամտաբեր 250 ֆիլմերի ստեղծման համար կադրից դուրս աշխատած 3. 212 մասնագետների վիճակագրությունը:

Պարզել է, որ 250  ֆիլմերի  ռեժիսորների, սցենարիստների, պրոդյուսերների, մոնտաժողների, օպերատորների ընդամենը 17 տոկոսն են կանայք: Այդ ցուցանիշը 2 տոկոսով նվազել է 2015-ի համեմատ, իսկ 1998-ի համեմատ չի փոփոխվել:

Նշենք, որ այս ոլորտում առաջին ուսումնասիրությունը կենտրոնն իրականացրել է ու արդյունքների մասին զեկույց է հրապարակվել հենց 98 թվականին:

Մարթա Լոզենն ուշադրություն  է հրավիրում կին տնօրեների թվի նվազման վրա: 2016-ին նրանց 7 տոկոսն են կանայք եղել՝ 1998-ի և 2015-ի 9 տոկոսի փոխարեն: Նրանց թերզբաղվածության խնդիրը քննության առարկա է դարձել դաշնային կառավարության Զբաղվածության հավասար հնարավորությունների հանձնաժողովի մասնագետների կողմից:

Ցուցանիշն առավել բարվոք է կին պրոդյուսերների պարագայում՝ 24 տոկոս, խմբագիրների միայն 17 տոկոսն են կանայք, սցենարիստների՝ 13 տոկոսը, տնօրենների՝ 7 տոկոսը, կինոմատոգրաֆների՝ 5 տոկոսը:

Պարզվել է, որ կանայք առավել շատ ընդգրկվում են փաստագրական ու դրամտիկական ժանրի ֆիլմերի արտադրություններում՝ համապատասխանաբար 24 տոկոս և 20 տոկոս:

Համեմատելով 1998-ի և 2016-ի ուսումնասիրությունների արդյունքները (ուսումնասիրված ֆիլմերի թիվը նույնն է), հեղինակը եկել է եզրակացության, որ  կին կինոմատոգրաֆների թիվը մի փոքր աճել է, սցենարիստների ու պրոդյուսերների թիվը նույնն է մնացել,  կին տնօրենների, գործադիր պրոդյուսերների, խմբագիրների թիվը նվազել է:

Համեմատելով 2015-ի և 2016-ի տվյալները՝ Մարթա Լոզենն արձանագրում է, որ կին սցենարիստների ցուցանիշը մի փոքր աճել է, սակայն նվազել է կին տնօրենների, պրոդյուսերներ, գործադիր պրոդյուսերների, խմբագիրների ու կինոմատոգրաֆների ցուցանիշը:

Օրինակ, անցած տարի 250 ֆիլմերի սցենարիստների 13 տոկոսն են կանայք եղել, 2015-ի համեմատ 2 տոկոսանոց աճ է գրանցվել, սակայն 1998-ի համեմատ այդ թիվն անփոփոխ է:

Անցած տարի ստեղծված ֆիլմերի 77 տոկոսի սցենարիստները տղամարդիկ են եղել, տնօրենների՝ 92 տոկոսը, գործադիր պրոդյուսերների՝ 58 տոկոսը,  խմբագիրների՝  79 տոկոսը,  կինոմատոգրաֆների՝ 96 տոկոս: Այս ֆիլմերի 35 տոկոսի դեպքում որևէ կին ընդգրկված չի եղել այդ աշխատանքներում:

Այլ  թվերի ներքո հեղինակը ներկայացնում է.

•  250 ֆիլմերի կին գործադիր պրոդյուսների ցուցանիշը 2016-ին կազմել է 17 տոկոս՝ 2015-ի 20 տոկոսի և 1998-ի 18 տոկոսի փոխարեն:  Ուսումնասիրության ենթարկված ֆիլմերի 58 տոկոսն ընդհանրապես կին գործադիր պրոդյուսեր չի ունեցել:
•  2016-ին ստեղծված 250 ֆիլմերի պրոդյուսերների 24 տոկոսն են կանայք: 2015-ի համեմատ այդ թիվը նվազել է 2 տոկոսով, իսկ 1998-ի համամետ անփոփոխ է: Ֆիլմերի 34 տոկոսը կին պրոդյուսեր չի ունեցել:
•  2016-ին ստեղծված 250 ֆիլմերի խմբագիրների 17 տոկոսն են կանայք եղել: Նախորդ տարվա համեմատ նվազումը կազմում է 5 տոկոս, 1998-ի համեմատ՝ 3 տոկոս: Ֆիլմերի 79 տոկոսը կին խմբագիր չի ունեցել:
•  2016-ին ստեղծված 250 ֆիլմերի կինոմատոգրաֆների ընդամենը 5 տոկոսն են կանայք եղել: Նախորդ տարվա համեմատ ցուցանիշը նվազել է 1 տոկոսով, 1998-ի համեմատ ավելացել է 1 տոկոսով: Ֆիլմերի 96 տոկոսը կին կինոմատոգրաֆ չի ունեցել:
•  Կանայք առավել շատ խաղում են փաստագրական ու դրամատիկ ֆիլմերում՝ անձնակազմերում նրանց թիվը կազմում է համապատասխանաբար 24 և 20 տոկոս: Սարսափ ֆիլմերում այդ ցուցանիշը 12 տոկոս է:
• 2016-ին ստեղծված 250 ֆիլմերի համար աշխատած կոմպոզիտորների 3 տոկոսն են կանայք, 2015-ի համեմատ այդ ցուցանիշը նվազել է 2 տոկոսվ:
• 2016-ին ստեղծված 250 ֆիլմերի հնչյունային խմբագիրների 8 տոկոսն են կանայք եղել, 2014-ի համեմատ այդ թիվը նվազել է 5 տոկոսով:
•  2016-ին ստեղծված 250 ֆիլմերի հնչյունային ռեժիսորների 4 տոկոսն են կանայք, 2014-ի համամետ այդ թիվը նվազել է 5 տոկոսով:

Պատրաստեց Հ. Կարապետյանը