Միլիտարիզմը մինի-շրջազգեստով. ինչու՞ է զորահանդեսին մասնակցած կանանց գունդը քննադատության արժանացել

Բրիտանական հանրահայտ The Mirror-ն անդրադարձել է Մոսկվայում Մեծ հայրենական պատերազմի 71-ամյակին նվիրված շքերթի ժամանակ կանանց գնդի մասնակցությանը:

Նշենք, որ Մոսկվայում տեղի ունեցած մայիսյան զորահանդեսին առաջին անգամ մասնակցել էր ՌԴ ՊՆ ռազմական համալարանի կին զինծառայողների շքերթային հաշվարկն՝ գրավելով ներկաների ուշադրությունն ու համակրանքը: Նրանց հագուստը սակայն քննադատության է արժանացել բրիտանացի լրագրողների կողմից:

The Mirror-ը՝ մանրամասնորեն նկարագրելով կին զինվորականների շրջազգեստի երկարությունը ու կոշիկների կրունկների բարձրությունը, նշել է, որ նրանց հագուստը հնաոճ էր ու սեքսիստական: Պարբերականը կարծիք է հայտնել, որ ՌԴ նախագահ Վլադիմիր Պուտինն այդպիսով ուզում էր «շլացնել հակառակորդին մինի-շրջազգեստների բանակով»:

Ի պատասխան, այս հոդվածին ռուսական մամուլը ներկայացրել է ողջ աշխարհում կին զինվորականների հանդերձանքի մասին ֆոտոռեպորտաժ, որը ներկայացնում ենք այս հղումով առանց մեկնաբանությունների:

Նշենք, որ այսօր կանայք ծառայում են աշխարհի 80 բանակներում՝ զորակոչային կամ պայմանագրային հիմունքներով: Ռուսաստանի բանակը ունի ավելի քան 32 հազար կանայք: Դրանցից, 5600 – սպաներ: ՆԱՏՕ-ի երկրներում (28 երկրներ), զինվորական կանանց թիվը աճել է վերջին 5 տարիների ընթացքում 10 անգամ՝ դառնալով ավելի քան 300 հազար: Որպես կանոն կանայք ծառայում են կամավոր հիմունքներով (բացառությամբ Իսրայելի, որտեղ զինվորական ծառայությունը կախված չէ սեռից):

Հայաստանի հանրապետության բանակում ՊՆ-ի տվյալներով ավելի քան 2 հազար կին է ծառայում: Իսկ 2014-ից ՀՀ իգական սեռի քաղաքացիները հնարավորություն ունեն սովորելու ՀՀ ՊՆ ռազմաուսումնական հաստատություններում: Ի դեպ, դեռես 2011-ին Հայաստանի անկախության 20-ամյակի զորահանդեսին առաջին անգամ մասնակցել էին կին զինվորականներ: