Նպատակ թիվ 5 – ի՞նչ է այն ենթադրում

Հասնել գենդերային հավասարության` կանանց և աղջիկների հնարավորությունների ընդլայնման միջոցով 

—   այսպիսին է 2015-ի  սեպտեմբերի 25-ին Նյու Յորքում   Կայուն զարգացման գագաթնաժողովում  պաշտոնապես ընդունված   Կայուն զարգացման 17 նպատակներից հինգերորդը:   

Այս նպատակի իարգործումը   ենթադրում է  ամենուր վերացնել կանանց և աղջիկների նկատմամբ խտրականության բոլոր ձևերը ՝ հետեւյալ թիրախների շրջանակներում.

• Վերացնել կանանց և աղջիկների նկատմամբ խտրականության բոլոր ձևերը հասարակական և մասնավոր ոլորտներում, այդ թվում՝ մարդկային թրաֆիքինգը,  սեռական և շահագործման այլ տեսակները:
• Վերացնել ավանդական գործելակերպի բոլոր վնասակար տեսակները, ինչպիսիք են երեխաների, վաղ կամ հարկադիր ամուսնությունները կամ կանանց սեռական օրգանների խեղումը
• Ապահովել երեխաների խնամքի և տնային չվարձատրվող աշխատանքի արժեքի ճանաչումը հանրային ծառայությունների մատուցման  և ենթակառուցվածքների տրամադրման միջոցով,
• Ապահովել սոցիալական պաշտպանության ոլորտում քաղաքականության իրականացումը և կենցաղում և ընտանիքում ընդհանուր պատասխանատվության խթանումը՝ ելնելով ազգային պայմաններից
• Ապահովել կանանց լիարժեք և արդյունավետ մասնակցությունը և նրանց հավասար հնարավորությունները ՝ քաղաքական, տնտեսական և հասարակական կյանքում որոշումների կայացման բոլոր մակարդակներում
• Ապահովել համընդհանուր հասանելիություն սեռական և վերարտադրողական առողջության ոլորտում մատուցվող ծառայություններին և վերարտադրողական իրավունքներին
• Անցկացնել բարեփոխումներ կանանց համար տնտեսական ռեսուրսների հասանելիության ապահովման ուղղությամբ,  մասնավորապես հողի և սեփականության այլ ձևերի հասանելիության և  դրանց վերահսկման, ֆինանսական ծառայությունների, ժառանգության իրավունքի և բնական պաշարներից օգտվելու  նրանց իրավունքների եւ հնարավորությունների առումով՝ ազգային օրենքների համաձայն
•  Ընդլայնել ժամանակակից տեխնոլոգիաների կիրառումը, մասնավորապես, տեղեկատվական-հաղորդակցական տեխնոլոգիաների՝ կանանց իրավունքների և հնարավորությունների ընդլայնմանը նպաստելու համար
• Ապահովել համապատասխան ռազմավարությունների և կիրառվող օրենսդրության  ընդունումը և ամրապնդումը՝ գենդերային հավասարության խթանման և բոլոր մակարդակներում բոլոր կանանց և աղջիկների իրավունքների և հնարավորությունների ընդլայնման նպատակով: