«Հարկ ենք վճարում պետությանը եւ ակնկալիքներ ունենք պետությունից» / քննարկման տեսագրություն

Փաստաթղթեր, օրենքներ

Եվս մեկ ուշագրավ անդրադարձ մայրության նպաստի մասին օրինագծի նոր տարբերակին, այս անգամ Yerkirmedia –ի նոյեմբերի 5-ի եթերում: Գայանե Աբրահամյանի «Կլոր սեղան» հաղորդաշարի հյուրերն են՝ Աշխատանքի եւ սոցիալական հարցերի նախարարության կենսաթոշակային ապահովության վարչության պետ Անահիտ Գալստյանը, ՄԱԿ-ի Բնակչության հիմնադրամի գործադիր ներկայացուցիչ Գարիկ Հայրապետյանը, «Ժամանակավորապես անաշխատունակների իրավունքների պաշտպանության նախաձեռնության անդամներ Տաթև Դավթյանը եւ Մանե Թանդիլյանը:

«Հարկ ենք վճարում եւ ակնկալումներ ունենք պետությունից , այդ թվում երեխա ունենալու դժվարին ժամանակահատվածում փոխհատուցում ստանալու առումով», – համոզված են քաղաքացիական ակտիվիստները: Սոցիալական ապահովության նախարարության ներկայացուցիչը համաձայն չէ նման հարցադրման հետ: «Հարկը համապարտադիր և անհատույց վճար է, այսինքն բոլորս պետք է դա վճարենք և դրա դիմաց ևս որևէ հատուցում չպետք է ակնկալել»,- ասում է նա…

Քննարկման մանրամասները «Կլոր սեղան» հաղորդման տեսագրությունում.

Դրվագներ քննարկումից.

«Մեր պահանջի մի մասը բավարարվել է, այն որ փոխհատուցվի 100 տոկոսով, բայց վերին շեմի սահմանմանը մենք ի սկզբանե դեմ էինք և հիմա այդ առումով այս նոր տարբերակը մեզ չի գոհացնում»,- Ժամանակավորապես անաշխատունակների իրավունքների պաշտպանության նախաձեռնության անդամ Տաթև Դավթյան:

«Չեմ կարծում, որ ծնելիության վրա ազդի այսօր տարվող տնտեսական քաղաքականությունը, պետք է պարզապես արվեր ամեն ինչ, որ հնարավորինս քիչ շահեր ոտնահարվեին»,- Աշխատանքի եւ սոցիալական հարցերի նախարարության կենսաթոշակային ապահովության վարչության պետ Անահիտ Գալստյան:

«Ասվում է, որ բարձր աշխատավարձ ստացողները քիչ են, ընդամենը 400 հոգի, բայց մենք չենք կարող 400 հոգու չդիտարկել որպես իրավունքի սուբյեկտ, անգամ մեկ հոգու իրավունքի ոտնահարումը խնդիր է»,- Ժամանակավորապես անաշխատունակների իրավունքների պաշտպանության նախաձեռնության անդամ Տաթև Դավթյան:

«Եթե կինը բարձր է վաստակում, կդառնա անցանկալի աշխատող իր գործատուի համար, և գերադասելի կդառնան նույն որակավորում ունեցող տղամարդիկ»,- Ժամանակավորապես անաշխատունակների իրավունքների պաշտպանության նախաձեռնության անդամ Մանե Թանդիլյան:

«Սոցապը կարծես ստուգում է ժողովրդի զարկերակը նման նախագիծ շրջանառելով, մայրության նպաստների 40-60-80 տոկոսի փոխհատուցման սկզբունքը որտեղից բերվեց»,- Մանե Թանդիլյան:

«Դժվար է թացը չորից տարբերել, քանի որ չկա իրավական որևէ գործիք, որ մտնենք գործատուի մոտ և ասենք, այ դու սրան պարգևատրել ես գեղեցիկ աչքերի համար, իսկ մյուսն իսկապես վաստակել է, դրա համար սահմանվել է վերին շեմ»,- Աշխատանքի եւ սոցիալական հարցերի նախարարության կենսաթոշակային ապահովության վարչության պետ Անահիտ Գալստյան:

«Երկարաժամկետ առումով այս նպաստների գումարները ազդեցություն չեն ունենում ծնելիության աճի վրա, բայց շատ կարևոր հանգամանք կա, պետության նկատմամբ հավատի անկման մթնոլորտն է խնդիրը»,- Գարիկ Հայրապետյան, ՄԱԿ-ի Բնակչության հիմնադրամի գործադիր ներկայացուցիչ:

Աղբյուրը՝ Yerkirmedia

Կարդացեք թեմայի շուրջ մեր կայքում.

«Չի կարելի ամեն երեք տարին մեկ հղի կանանց նման սթրեսի ենթարկել»:

Բարձր վարձատրվող կանայք այսուհետ կդառնան անցանկալի՞ աշխատողներ

Մայրերը աշխատելիս/ infografika

Կառավարությունը պատրաստ է փոխհատուցել աշխատող մայրերին իրենց աշխատավարձի 100 տոկոսը

Միացեք ստորագրահավաքին՝ պահանջելով հրաժարվել խնդրահարույց դրույթներից

«Որևէ աշխատող հղի կին չպետք է տուժի». խոստանում է վարչապետը

Փաստաբանների պալատը կիսում է հասարակության մտահոգությունը

«Հույս ունենանք, որ դժգոհության այս մեծ ալիքը, որ բարձրացել է, անարձագանք չի մնա»

Ի՞նչպիսի դիրքորոշում ունեն կին պատգամավորները աղմկահարույց օրինագծի շուրջ

Միթե՞ արդար է կրկնակի թիրախավորել աշխատող մայրերին / խորհրդարանական լսումների տեսագրություն