AWID-ը հրավիրում է ողջ աշխարհի ֆեմինիստներին Բրազիլիա

Միջազգային ֆեմինիստական խոշոր կազմակերպություններից մեկը՝ Կանանց իրավունքների զարգացման ասոցիացիան՝ AWID-ը ( Association Women’s Rights in Development) հրավիրում է մասնակցելու 2016-ի մայիսի 5-8-ը Բրազիլիայի Սալվադոր քաղաքում անցկացվող իր հերթական 13-րդ միջազգային համաժողովին:

Կազմակերպությունը տեղակայված է Կանադայում և յուրաքանչյուր 3-4 տարին մեկ միասին է հավաքում է կանանց իրավունքների պաշտպանությամբ զբաղվող առաջնորդների և ակտիվիստների, փորձագետների և դոնոր կազմակերպությունների ներկայացուցիչների ողջ աշխարհից` կանանց շարժման համար հրատապ հարցեր քննարկելու, համատեղ գործողությունների ծրագրեր մշակելու, կայուն զարգացմանը և գենդերային հավասարությանը նպաստելու նպատակով: AWID-ի նախորդ` 12-րդ համաժողովն անցկացվել էր 2012-ին Ստամբուլում եւ առավել մանրամասն այդհավաքի մասին կարող եք կարդալ մեր կայքում՝ «Կինը եւ քաղաքականությունը» հատուկ համարում եւ AWID -2012 խորագրի ներքո:

13-րդ միջազգային համաժողովի հրավերի մեջ նշվում է, որ Բրազիլիայում տեղի ունեցող այս ֆորումը նոր հեռանկարներ և համարձակ գաղափարներ առաջ քաշելու հարթակ է լինելու , որը թույլ կտա մշակել կոնկրետ համատեղ գործողությունների օրակարգը եւ միասին պատկերացնել ապագան՝ զերծ գենդերային անհավասարությունից եւ ճնշումներից, ռասսայական, էթնիկ և տնտեսական անարդարությունից, բնապահպանական դեգրադացիայից, պատերազմից և բռնությունից:

Կազմակերպիչներն ակնկալում են, որ բոլոր նրանք , ովքեր հայտ են ներկայացնելու ֆորումին մասնակցելու համար իրենց առաջարկներն կանեն հավաքն առավել հետաքրքիր եւ արդյունավետ դարձնելու համար:

Հայտի ձեւը կարող եք գտնել այստեղ

Հայտի ներկայացման վերջնաժամկետը հունիսի 26-ին է:

Կարդացեք թեմայի շուրջ մեր կայքում.

AWID-2012: Երեխաները համաժողովում…/ ֆոտոռեպորտաժ

Ուրվանկարներ համաժողովից. «Հաշմանդամություն ունեցող կանանց ցանց» / ֆոտո

Կանայք և նոր մեդիաները

AWID 2012-ն առաջին , բայց ոչ վերջին կոնֆերանսն էր իմ մանակցությամբ

Մերոնք համաժողովում

«Որտե՞ղ են կանանց իրավունքների համար գումարները»

«Եթե կանանց ավելի շատ տեղ և հնարավորություններ տային»…

Վիոլետա Կրասնիչ. «Տեսնում եմ ուժեղ, հնարամիտ և կայուն կանանց հկ-ների և ցանցերի միասնությունը »

«Եթե հավաքվում են 200 տղամարդ, պա դա կոչվում է Դավոս, իսկ եթե 2000 կին, ապա այդ մասին ոչ ոք չի իմանում»…