Ուղերձ նորընտիր կին պատագամավորներին

ՈՒՂԵՐՁ

ՀՀ Ազգային ժողովի 2012թ.  մայիսի 6-ի  ընտրությունների արդյունքներով

խորհրդարան անցած

քաղաքական կուսակցություններին

և  նրանց համամասնական ցուցակներում  ներգրավված կանանց

Մենք,

Քաղաքացիական հասարակության համագործակցության ցանցի

 անդամ ՀԿ–ներս,

 դիմում ենք.

«Բարգավաճ Հայաստան» կուսակցությանը,

որի համամասնական ընտրացուցակի 21,8%-ը կազմում են կանայք,

«Ժառանգություն» կուսակցությանը,

որի ընտրացուցակի 24,6%-ը կանայք են,

«Հայ ազգային կոնգրես» դաշինքին,

որի ընտրացուցակում 20,3 %-ը կանայք են,

«Հայ Հեղափոխական Դաշնակցություն» կուսակցությանը,

որի ընտրացուցակի 31,7%-ը  կանայք են,

Հայաստանի Հանրապետական Կուսակցությանը,

որի  ընտրացուցակի 21,3%-ը կանայք են,

 «Օրինաց երկիր» կուսակցությանը,

որի  ընտրացուցակի  20,2 %-ը կանայք են:

Շնորհավորելով բոլորին  ընտրողների վստահության քվեն ստանալու կապակցոթյամբ՝  հույս ենք հայտնում, որ մտնելով  խորհրդարան դուք կպահպանեք ձեր  խմբակցություների կազմում կանանց այն ներկայացվածությունը, որն ամրագրված է ընտրական ցուցակներում և սահմանված ՀՀ Ընտրական օրենսգրքով` այսպիսով ապահովելով Ազգային ժողովում կանանց առնվազն 20 տոկոս ներկայացվածությունը:

ՀՀ  Ազգային ժողովի չորրորդ գումարման կազմում 

կանանց ներկայացվածությունը  ընդամենը 8,3% էր:

Այսօր՝ Ընտրական օրենսգրքում ամրագրված  գենդերային քվոտայի պայմաններում, ըստ որի կուսակցությունների համամասնական ցուցակներում կանանց  ներկայացվածությունը չի կարող 20%-ից  պակաս լինել,

 հանրությունը իրավունք ունի ակնկալելու, 

որ կանանց ներկայացվածությունը Ազգային ժողովում 

այդ քվոտայի շնորհիվ առնվազն կկրկնապատկվի:

Հաշվի առնելով ընտրություններից հետո տարբեր պատճառաբանություններով մանդատներից հրաժարվելու` մի շարք կին գործիչների անցանկալի գործելակերպը  նախորդ ընտրություններում` մենք դիմում ենք 2012թ. համամասնական ցուցակներում ընդգրկված կանանց.

Հարգելի կին գործիչներ,

մի՛ հրաժարվեք  մանդատներից, 

ընտրողները հույսեր են կապել Ձեզ հետ` քվեարկելով Ձեր օգտին:

Դիմում ենք կուսակցությունների ղեկավարներին և կուսակցությունների բոլոր անդամներին.

Օրենքի պահանջը իրականացնելու նպատակով 

առաջնորդվե՛քգենդերային արդարության սկզբունքով՝

 հնարավորություն  ընձեռելով,

 որ մանդատից հրաժարվող կնոջ  տեղը զբաղեցնի 

ցուցակի մեջ ներգրավված հաջորդ կինը:

Հասարակության համար անընդունելի է նաև, երբ մանդատից հրաժարումը կատարվում է կուսակցության հորդորով կամ խնդրանքով: Ուստի, մենք դիմում ենք կուսակցությունների ղեկավարությանը.

Մի՛ առաջարկեք կուսակցության  նախընտրական ցուցակներում

 ընդգրկված  կանանց հրաժարվել իրենց մանդատներից,

քանզի հասարակությունը ուզում է տեսնել 

իր կողմից ընտրված գործիչներին Ազգային ժողովում:

 Աջակցե՛նք միմյանց Հայաստանում բարեկիրթ հասարակության կայացման և քաղաքական կառավարման ժամանակակից համակարգի ձևավորման գործում:

 Մենք դիմում ենք ՀՀ ընտրողներին և կազմակերպություններին.

Միացե՛ք  մեզ` ստորագրելով այս ուղերձը:

P.S. Նախընտրական շրջանում բոլոր կուսակցություններին ուղարկված տեքստը ամբողջությամբ կարելի  է կարդալ  այստեղ.

Միացե՜ք մեզ, ստորագրե՜ք ուղերձը

Присоединяйтесь к нам! Подпишите петицию!

Join us, sign the petition