«Օհանյան-Րաֆֆի-Օսկանյան» դաշինքի ցուցակում կանայք 26% են կազմում

«Օհանյան-Րաֆֆի-Օսկանյան» կուսակցությունների դաշինքի համապետական ընտրական ցուցակում 149 թեկնածու է  ընդգրկված, նրանցից 39-ը կամ 26%-ը  կանայք են:

Կանանց թիվը մինչ ինքնաբացարկներ հայտնելը 41 էր:  ԿԸՀ-ի՝ փետրվարի 28-ի նիտում հայտարարվեց, որ ցուցակում ընդգրկված պատգամավորի թեկնածուներ Մարինե Գրիգորյանն ու Սուսաննա Սահակյանը ներկայացրել են ինքնաբացարկի դիմումներ:

Նրանք երկուսն էլ ընդգրկված էին դաշինքի և համապետական, և տարածքային ցուցակներում. Մարինե Գրիգորյանը («Համախմբում») ընտրական համապետական ցուցակի 93-րդ համարն է, ընդգկված էր նաև թիվ 11-րդ  տարածքային ցուցակում, իսկ Սուսաննա Սահակյանը՝ («Համախմբում») համապետական ցուցակի 116-րդ համարն է, ընդգրկված էր 9-րդ տարածքային ընտրական ցուցակում:

Դաշինքնի ցուցակում ընդգրկված կանայք հիմնականում «Համախմբում» կուսակցության անդամներ են, ավելի քիչ՝ «Ժառանգություն»-ից ու անկուսակցական: Ցուցակի առաջին հնգյակում մեկ կին կա, տասնյակում՝ երկու:

Ցուցակի առաջին կինը գործող պատգամավոր Էլինար Վարդանյանյանն է (4-րդ հորիզոնական), նա ԱԺ մարդու իրավունքների պաշտպանության ու հանրային հարցերի մշտական հանձնաժողովի նախագահն է: Նա  ՀՀ փաստաբանների պալատի անդամ է, փաստաբան:  2012թ. մայիսի 6-ին ԱԺ պատգամավոր է ընտրվել համամասնական ընտրակարգով «Բարգավաճ Հայաստան» կուսակցությունից:  Գիտական մի շարք աշխատությունների հեղինակ է: 
 

Ցուցակի հաջորդ կինը Սուսաննա Մուրադյանն է «Ժառանգություն» կուսակցությունից, նա Հանրային խորհրդի անդամ է:

12-րդ հորիզոնականում Լիգիա Մելքումյանն է, ով Աշտարակի թիվ 5 ավագ դպրոցի ուսուցչուհի է: 13-րդ հորիզոնականում Արեգնազ Մանուկյանն է, նախկինում լրագրող, այժմ «Համախմբում» կուսակցության մամուլի խոսնակն է:

Ցուցակի երկրորդ տասնյակում են Անուշ Խաչատրյանը, ով 7օր կայքում սրբագրիչ է աշխատում, Գայանե Աբասյանը, ով «Ժառանգություն» կուսակցության վարչության քարտուղարն է:

Սիրանուշ Զաքարյանը (41-րդ հորիզոնական) թիվ 19 պոլիկլինիկայում մանկաբույժ է աշխատում, Լյուբա Մանուկյանը (50-րդ հորիզոնական) «Շեն» կազմակերպության Գեղարքունիքի մարզային պատասխանատուն է, Գայանե Բաղդասարյանը (54-րդ հորիզոնական) Գյումրու ԲԿ-ում հոգեբան է աշխատում:

Բելլա Հովհաննիսյանը (97-րդ հորիզոնական) լրագրող է, Եվգենիյա Բալյանը հաշվապահ է, Ալվարդ Սիրադեղյանը (136-րդ հորիզոնական) Այրումի միջնակարգ Դպրոցի ուսուցչուհի է, Տաթևիկ Սիրեկանյանը (146-րդ հորիզոնական) մենեջեր է:

Ցուցակում ընդգրկված կանանցից   25-ը չեն աշխատում:

***

Դաշինքի տարածքային ցուցակներում ընդգրկված է 126 թեկնածու, նրանցից 35-ը կամ 28%-ը  կանայք են:

Թիվ 1 ընտրատարածքում դաշինքն առաջադրել է 9 թեկնածուի, որից չորսը կանայք են՝ Անահիտ Մխիթարյան, Թերեզա Սարգսյան, Մարգարիտա Ղազարյան, Սուսաննա Գևորգյան:

Թիվ 2 ընտրատարածքում տարածքային ցուցակում ներառված է 10 թեկնածու, երեքը կանայք են՝ Գայանե Աբասյան, Նազիկ Ղարիբյան, Եվգենիյա Բալյան:

Թիվ 3 ընտրատարածքում 8 թեկնածու կա, կանայք երկուսն են՝ Սիրանուշ Զաքարյան, Հասմիկ Մելիքյան:

Թիվ 4 ընտրատարածքում 13 թեկնածուներից 4-ը կանայք՝ Նաիրիա Երեմյան, Անուշ Խաչատրյան, Արմենուհի Ղազարյան, Սուսաննա Մուրադյան:

Թիվ 5 ընտրատարածքում 5 թեկնածու կա, 2-ը կանայք են՝ Ամալյա Ասատրյան, Գոհար Համբարձումյան:

Թիվ 6 ընտրատարածքում 11 թեկնածուներից 3-ը կանայք են՝ Թագուհի Դավթյան, Էլիզա Սողոմոնյան,  Տաթևիկ Սիրեկանյան:

Թիվ 7 ընտրատարածքում յոթ թեկնածուներից երկուսն են կանայք՝ Հայրենուհի Գևորգյան, Լիգիա Մելքումյան:

Թիվ 8 ընտրատարածքում 12 թեկնածու կա, կանայք երեքն են՝ Գայանե Բաղդասարյան, Կարինե Հարությունյան, Վիկտորյա Բունիաթյան:

Թիվ 9 ընտրատարածքում տասը թեկնածու կա, կանայք երկուսն են՝ Կարինե Մարգարյան, Լիլիթ Զարգարյան:

Թիվ 10 ընտրատարածքում 15 թեկնածու կան, չորսը կանայք են՝ Սեդա Բայրամյան,  Արևիկ Ղարիբյան, Արաքսյա Ղահրամանյան,  Նարինե Օզնեցյան:

Թիվ 11 ընտրատարածքում ընտրատարածքում դաշինքն ունի 11 թեկնածու, կանայք երկուսն են՝ Բելլա Հովհաննիսյան, Ռիմա Սարգսյան:

Թիվ 12 ընտրատարածքում տարածքային ցուցակում ներառված է 8 թեկնածուի անունը, երկուսը կանայք են՝ Հասմիկ Ավետիսյան, Նաիրա Բադալյան:

Թիվ 13 ընտրատարածքում յոթ թեկնածու կան, կանայք երկուսն են՝ Օլյա Չատյան, Ալվարդ Սիրադեղյան:

Հ. Կարապետյան

Կարդացեք թեմայի շուրջ մեր կայքում .

ՀՅԴ ցուցակի կանանց մեծ մասը կրթական համակարգից են

«Օհանյան-Րաֆֆի-Օսկանյան» դաշինքի ցուցակում կանայք 26% են կազմում

Կանանց ներկայացվածությունը Կոմկուսի համապետական ցուցակում օրենքի սահմաններում է՝ 25% է

ՀՀԿ-ն փորձել է կյանքի կոչել 30/70 համամասնությունն իր ցուցակում

Կոնգրես-ՀԺԿ դաշինք. հավասարություն առանձին վերցրած ընտրատարածքում

«Ծառուկյան» դաշինքի ցուցակում կին թեկնածուները 28% են կազմում

«Հայկական վերածնունդ»-ի առաջին տասնյակում երկու կին թեկնածու կա, իսկ վերջին տասնյակում՝ յուրաքանչյուր երկրորդը

«Ազատ դեմոկրատներ» կուսակցության ցուցակի 38% -ը կանայք են. ովքե՞ր են նրանք

Ովքե՞ր են «Ելք» դաշինքի կին թեկնածուները