Վատիկանը պատրաստվում է զգալիորեն փոխել կանանց դերը եկեղեցում
Հռոմի Ֆրանցիսկոս պապը կարծում է, որ կանայք կարող են առավել նշանակալի դեր խաղալ եկեղեցում որոշումներ կայացնելու հարցում, գրում է The Wall Street Journal-ը:
Պարբերականի ներկայացմամբ Հռոմի պապը հայտնել է իտալական թերթերից մեկին տված հարցազրույցում, որ Վատիկանը զգալի փոփոխություններ է նախապատրաստում, որոնք վերաբերում են կաթոլիկ եկեղեցում կանանց դերին:
Մասնավորապես, Վատիկանի մի քանի մասնագետներ առաջ են քաշում Վատիկանի վարչական կառույցներում ղեկավար պաշտոնների կանանց նշանակելու հնարավորությունը: Սակայն Հռոմի պապն չի բացառել անգամ ավելի մեծ փոփոխություններ:
Դրա հետ մեկտեղ, նա անվանել է սպասվող փոփոխությունները «ֆունկցիոնալ առաջխաղացում», որը «չափազանց հեռուն չի գնա»:
Դիտումների քանակը` 3628