Նորընտիր ԱԺ խորհրդի կազմում ընդամենը երկու կին ընդգրկվեց

Օգոստոսի 12-ին մշտական հանձնաժողովների նախագահներին ընտրելուց հետո նորընտիր խորհրդարանն ավարտեց  Ազգային Ժողովի խորհրդի ձևավորումը:  Չնայած կանանց ներկայացվածությունը ԱԺ-ում զգալիորեն աճել է՝ հասնելով գրեթե 34%-ի, ԱԺ խորհրդի 19 անդամներից  ընդամենը 2-ն են կին, ինչը 10.5% է կազմում:

8-րդ գումարման Ազգային Ժողովի նախագահությունը բացառապես տղամարդկանց դեմք ունի՝ թե խոսնակը, թե նրա երեք տեղակալաները տղամադիկ են, թեև թեև 2007 թվականից սկսած փոխխոսնակներից մեկը մշտապես կին է եղել  և թվում էր, որ խորհրդարանը կպահպանի այդ ավանդույթը:

Երեք խմբակցություններից որևէ մեկը կին չի ղեկավարում, խմբակցություններից միայն մեկի՝ «Քաղաքացիական պայմանաագրի» քարտուղարն է կին՝ Նազելի Բաղդասարյանը։

ԱԺ 12 մշտական հանձնաժողովներից էլ միայն երկուսն են կանայք նախագահելու՝  «Քաղաքացիական պայմանգիր» խմբակցությունից Հերիքնազ Տիգրանյանը և «Պատիվ ունեմ» խմբակցությունից Թագուհի Թովմասյանը։

Հերիքնազ Տիգրանյանը 71 կողմ ձայնով ընտրվեց  ԱԺ աշխատանքի և սոցիալական հարցերի մշտական հանձնաժողովի նախագահ ընտրվեց:

Թագուհի Թովմասյանը 60 կողմ ձայնով ընտրվեց Մարդու իրավունքների պաշտպանության և հանրային հարցերի մշտական հանձնաժողովի նախագահ։

Համեմատության համար նշենք, որ յոթերորդ գումարման ԱԺ խորհրդի կազմում  ընտրության պահին  4 կին (22%) էր ընդգրկվել՝ փոխխոսնակի,  խմբակցություններից մեկի և 11 մշտական հանձնաժողովների երկուսի ղեկավարների պաշտոններում:  Չնայած նախորդ գումարման խորհրդարանում կանայք ներկայացված էին զգալիորեն քիչ՝ 24%-ով, ԱԺ խորհրդում նրանց ընդգրկվածությունն ավելի համաչափ էր՝ 22% էր (իրավիճակը  2019թ. դրությամբ):

Այս առումով, ութերորդ գումարման ԱԺ խորհրդի կազմում կանանց ընդամենը 10.5% ընդգրկվածությունը խիստ անհամաչափ է  խորհրդարանում կանանց 34% ներկայացվածության  համեմատ։

Հ. Կարապետյան