Միակ հուշարձանը՝ պատերազմին մասնակցած կանանց պատվին

Թվեր և փաստեր

Երկրորդ համաշխարհային պատերազմին մասնակցած կանանց պատվին հուշարձանը գտնվում է Լոնդոնի կենտրոնում, բրիտանական պարլամենտի շենքից դեպի Տրաֆարգալյան հրապարակ տանող Ուայթհոլ փոխոցում : Երեւի թե միակ հուշարձանն է , որ անդրադառնում է պատերազմի ժամանակ կանանց հավաքական սխրանքին՝ մարտի դաշտում եւ թիկունքում:

Հուշարձանը նվիրված է բոլոր այն բրիտանական կանանց, ովքեր Երկրորդ համաշխարհայինի ժամանակ՝ անձնվեր աշխատելով թիկունքում եւ կռվելով զինված ուժերում, իրենց լուման են ներդրել ֆաշիզմի դեմ պայքարում: Պատերազմի ընթացքում Բրիտանիայի զինված ուժերում ծառայում էին շուրջ 640 հազար կանայք: Ընդհանուր առմամբ, պատերազմը կտրուկ փոխել է 7 մլն բրիտանացի կանանց կյանքը, ովքեր աշխատում էին թիկունքում փոխարինելով ռազմի դաշտ մեկնած տղամարդկանց:

Հուշարձանի հեղինակը քանադակագործ Ջոն Միլլզն է: Սեւ սալաքարի վրա չկան կանանց պատկերներ, միայն այն համազգեստներն են, որոնք խորհրդանշում են կանանց կողմից պատերազմի ժամանակ կատարված աշխատանքը, լինի դա ռազմի դաշտում թե թիկունքում… Գրառումն, ի դեպ, արված է այն տառատեսակով, որը օգտագործվել է պատերազմական տարիների սննդաքարտերի վրա…

Հուշարձանի գաղափարն առաջարկվել է 1997 թ. մայոր Դավիթ Ռոբերտսոնի կողմից: Նրան մեծապես աջակցել է Ներկայացուցիչների պալատի խոսնակ բարոնուհի Բետտի Բուտրոյդը , ով հանգանակություն էր կազմակերպել այս գաղափարն իրագործելու նպատակով, մասնավորապես «Ով է ուզում դառնալ միլիոնատեր հեռուստատեսային շոուի միջոցով; Մեծ Բրիտանիայի թագուհի Էլիզաբեթ II-ը 1 մլն ֆունտ է տրամադրել նախագծին, մնացածը հավաքվել է տարբեր աղբյուրներից; Հուշարձանը բացվել էր 2005 թ. հուլիսին:

Երկրորդ համաշխարհային պատերազմի ժամանակ կանայք ծառայում էին համարյա բոլոր մասնակից երկրների բանակներում. Ամերիակայում ՝ 450-500 հազար, Գերմանիայում՝ 500 հազար , Բրիտանիայում, Լեհաստանում, Ճապոնիայում … ամենուր։ Կանանյք աշխատել են նաեւ թիկունքում՝ ապահովելով պատերազմի մասնակից բոլոր երկրների արդյունաբերության բնականոն աշխատանքը:

Խորհրդային բանակում մարտնչում էին շուրջ 1 միլիոն կանայք, այդ թվում` 10 հազար հայուհի ներ։

Արցախյան պատերազմին մասնակցել են շուրջ 600 կանայք, որոնցից 18-ը զոհվել են մարտի դաշտում, 87-ը՝ դարձել հաշմանդամ։

Կարդացեք թեմայի շուրջ մեր կայքում.

Աղավնի Սահակյան. «Եթե կամավոր մեկնում ես ռազմի դաշտ, ուրեմն պիտի կռվես տղամարդուն հավասար»

«Մելսիդան վերցրել է զենքը և մի քանի րոպեներ անց ոչնչացրել անօդաչու սարքը»

Պատերազմ տեսած կանայք. «Անսովոր ճակատագրով սովորական կին եմ»…

Պատերազմների «ոչ կանացի» դեմքը…

Կանայք զինված ուժերում. ի՞նչ են ցույց տալիս ուսումնասիրությունները

Դիպուկահար կանայք. «ցանկացած ժամի` ցանկացած խնդիր »

Հավսա՛ր, զգա՛ստ. բանակի աղջիկները / տեսանյութ

Երբ մարտի են գնում աղջիկները

Մարիեթ Շուրման. «Կանանց դերը խաղաղության հասնելու համար չափազանց որոշիչ է»