Մարդիկ պետք է տեղյակ լինեն գնված սննդամթերքի ծագումնաբանության մասին

Խորհրդարանում  նոյեմբերի 19-ին վերջապես  քննարկվեց  «Սննդամթերքի անվտանգության մասին ՀՀ օրենքում լրացումներ կատարելու մասին» ՀՀ  օրենքի նախագիծը երկրորդ ընթերցմամբ և ամբողջությամբ ընդունելու մասին հարցը: Հատկանշական է, որ սպառողների  շահերի առումով  կարեւոր այս  օրինագիծը  առաջին ընթերցմամբ  ընդունվել էր դեռ 2011 –ին:   

Այս օրինագծին  WomenNet.am-ը անդրադարձէր կատարել դեռես  այս տարվա հունիսին  «Բա ես չիմանա՞մ՝ ինչ եմ ուտում, էս ո՞ր դարն է» հրապարակման մեջ: Օրենքի նախագիծն արժանացել է ինչպես Տնտեսական հարցերի մշտական հանձնաժողովի, այնպես էլ կառավարության դրական եզրակացությանը: Նախաձեռնության հեղինակներ են ԱԺ «Օրինաց երկիր» խմբակցության պատգամավորներ Հեղինե Բիշարյանը, Իշխան Խաչատրյանը և Հովհաննես Մարգարյանը: Նրանք առաջարկում են վաճառվող սննդամթերքի հետ տեղեկություն տրամադրել դրա ծագումնաբանության մասին:

Ազգային ժողովում քննարկման ժամանակ  «Օրինաց երկիր» խմբակցության ղեկավար Հեղինե Բիշարյանը հայտարարեց, որ այս նախագիծը խիստ կարևոր  նախագիծ է, որն արժանի է ուշադրության: ՕԵԿ-ական պատգամավորը մասնավորապես խոսեց կաթնամթերքի մասին` նշելով, որ այն օգտագործվում է բոլոր ընտանիքներում և վերջին շրջանում կաթնամթերքի հետ կապված մի շարք խնդիրներ են առաջացել, ինչով պայմանավորված էլ իրենց խմբակցությունն առաջ է քաշել քննարկվող նախագիծը. «Պետք է ասեմ, որ այս հարցը գտնվում է շատերի ուշադրության կենտրոնում և պատահական չէ, որ լրագրողները մեզ հաճախ հարցնում էին, թե երբ պետք է նախագիծը վերջնականապես ընդունվի»:

Հ. Բիշարյանի խոսքերով` խնդիրը նրանում է, որ մենք այսօր կաթնամթերք ենք օգտագործում` չիմանալով այն բնական կաթից է պատրաստված, թե արհեստական կաթի փոշիից. «Դա խիստ կարևոր է, քանի որ տարբեր մարդկանց օրգանիզմներ տարբեր կերպ են արձագանքում կաթի փոշիին և այլն»:

Որպես օրինակ` պատգամավորը խոսեց այն մարդկանց մասին, ովքեր ինսուլին են օգտագործում` ընդգծելով, որ մարդիկ պարտադիր պետք է իմանան, թե ինչ ծագում ունի իրենց կողմից օգտագործվող կաթնամթերքը. «Տարիների ուսումնասիրությունը ցույց տվեց, որ ոլորտում կան խնդիրներ, որոնք պետք է լուծվեն: Բացի դրանից, պետք է նշեմ, որ հաճախակի անուններ են օգտագործվում, որոնք շփոթության մեջ են գցում մարդկանց»:

Պատգամավորը խոսեց նաև անասունների շրջանում տարածված տարբեր հիվանդությունների տարածման մասին, որոնք հնարավոր է ազդել են ոչ միայն մսի այլ նաև կաթի վրա. «Ես որպես թոռնիկներ ունեցող կին, մտածում եմ սննդամթերքի ծագումնաբանության մասին և ցանկանում եմ, որ օր առաջ օրինագիծն ընդունվի»:

Եզրափակիչ ելույթում հիմնական զեկուցող ԱԺ «Օրինաց երկիր» խմբակցության պատգամավոր Հովհաննես Մարգարյանը շնորհակալություն հայտնեց իրենց խմբակցության նախաձեռնությանը հավանության տալու համար` կարևորելով, որ նման օրինագծերը  դառնան օրենք և կոչ անելով պատգամավորներին քվեարկության ժամանակ կողմ քվեարկել:՛Քվեարկությունը տեղի կունենա ԱԺ հաջորդ նիստին:

Կարդացեք թեմայի շուրջ մեր կայքում. 

Հեղինե Բիշարյան. «Բա ես չիմանա՞մ՝ ինչ եմ ուտում, էս ո՞ր դարն է»

Հայաստանի բնակչության սնուցման վիճակը. հետազոտություն

Մտահոգող ցուցանիշներ` թերսնուցում և թերքաշություն․ պայքար հանուն առողջ սերնդի

Պարենի համաշխարհային օր. արտադրվող սննդի գրեթե մեկ երրորդը կորում կամ թափվում է..

Ովքե՞ր պետք է կանխարգելեն սննդային թունավորումներն ու հետևություններ անեն

Ի՞նչ թերություններ է հայտնաբերել քաղաքապետարանը դպրոցների բուֆետներում

«Հանրային սննդի օբյեկտների գերակշիռ մասը սանիտարահիգիենիկ խայտառակ վիճակում է»

Ի՞նչ են ուտում հայաստանցի դպրոցականները

«Երեխաներիս առողջ ու լիարժեք սննդով ապահովելն այսօր ինձ համար խնդիր է»…