Իսկ դուք գիտե՞ք կնոջ՝ տնային տնտեսուհու իրական արժեքը…/ ֆիլմ

Այս հարցի պատասխանը ՝   Սովետական միությունում  հայտնի  «Ֆիտիլ»  երգիծական  կինոամսագրի  շրջանակներում 1981–ին նկարահանված սյուժեում: Ի դեպ, ամսական միջին աշխատավարձն այն ժամանակ 100  ռուբլի էր կազմում: 

Այսօր տնային տնտեսությունում  կանանց չվճարվող աշխատանքի մասին դրույթը գենդերային տեսության հիմնաքարերից մեկն է:

«Տնային տնտեսության մեջ կանանց անվարձահատույց աշխատանքը  որևէ արժեքային գնահատական չի ստանում և չի ընկալվում որպես աշխատանք»:

ՀՀ վիճագրական ծառայության կողմից  իրականացված   ժամանակի բյուջեի գենդերային վերլուծությունը բացահայտում է կանանց կրկնակի ծանրաբեռնվածության փաստը: Ըստ  արդյունքների  տղամարդիկ երեք անգամ ավելի շատ ժամանակ են ծախսում եկամտաբեր (վարձատրվող աշխատանք) գործունեության վրա, կանայք էլ հինգ անգամ ավելի շատ ժամանակ են ծախսում տնային տնտեսության և ընտանիքի անդամների խնամքի վրա (չվարձատրվող աշխատանք): Ընդհանուր առմամբ տղամարդիկ 30%-ով ավելի շատ ազատ ժամանակ ունեն, քան կանայք: