«Արտադրված է Դագենհեմում». Ֆիլմ խտրականության դեմ պայքարող կանանց մասին

Մշակույթ, արվեստ

2010թ-ին նկարահանված բրիտանական այս ֆիլմը (ռեժիսոր Նեջել Կոուլ) պատմում է «Ford» խոշորագույն կորպորացիայի գործարաններից մեկում 1968 թվականին տեղի ունեցած իրական դեպքերի մասին:

Գործարանում աշխատող կանայք պայքարում են խտրականությյան դեմ` պահանջելով տղամարդկանց հետ հավասար աշխատավարձ: Համարվում է, որ հենց այդ իրադարձությունների ժամանակ առաջին անգամ բարձրաձայնվեց կանանց ու տղամարդկանց նույն աշխատանքի դիմաց անհավասար վարձատրության մասին խնդիրը: Դագենհեմի կանանց պայքարն աննախադեպ հաջողության հանգեցրեց՝ 1970թ.-ին Մեժ Բրիտանիայում ընդունվեց հավասար վարձատրության մասին Ակտը:

Դագենհեմի պատմությունը նույնքան արդիական է այսօր, ինչպես և 50 տարի առաջ, քանի որ կանանց ու տղամարդկանց անհավասար վարձատրության խնդիրը դեռեւս չի ստացել իր լուծումը աշխարհի ոչ մի երկրում: Եվ, օրինակ, Մեծ Բրիտանիայում այսօր էլ կանանց վճարում են 21%-ով ավելի քիչ, քան տղամարդկանց:

Համաշխարհային տնտեսական ֆորումի փորձագետների գնահատականներով, տղամարդկանց և կանանց աշխատավարձերի միջև առկա տարբերությունն աստիճանաբար նվազում է, սակայն դա տեղի է ունենում շատ դանդաղ: Այսպես վերջին տասնամյակում այդ տարբերությունը կրճատվել է ընդամենը 3%-ով, և լիովին վերացնել այն հնարավոր կլինի միայն 118 տարի անց: Այսպիսի եզրակացության են հանգում փորձագետները Գենդերային ճեղքվածքի ցուցանիշի 2015-ի զեկույցում (Global Gender Gap Report 2015 ) :

Նշենք, որ Եվրամիության երկրներում կանանց վճարում են 16,4%-ով ավելի քիչ, քան տղամարդկանց, իսկ Հայաստանում կանանց ու տղամարդկանց աշխատավարձերի տարբերությունը կազմում է 34%:

Կարդացեք թեմայի շուրջ մեր կայքում.

«Պահանջվում են մինչև 25 տարեկան, բարետես աղջիկներ….»

Հայաստանի կանայք աշխատանքի շուկայում. խոչընդոտների եւ արգելքների արանքում

Կանանց տնտեսական իրավունքների ընդլայնման գծով Բարձր մակարդակի խումբ է ստեղծվել ՄԱԿ-ում

Կանայք աշխատանքի շուկայում. գործատուների պահանջները երբեմն աբսուրդի են հասնում

«Հղիանալն արգելվում է»… Մնում է աշխատանքի վայրերում նման ցուցանակներ փակցնեն գործատուները

Բանկերը հղիությունը չեն խրախուսու՞մ

Գենդերային անհավասարությունն աշխատաշուկայում՝ ըստ ԱՄԿ-ի

«Հայաստանի աշխատանքային շուկայի գենդերային ասպեկտը». հետազոտություն

Կանանց զբաղվածության գլոբալ միտումները. գենդերային խզումը մեծանում է

Փնտրում եմ աշխատանք. ի՞նչ է առաջարկում Հանրային Խորհուրդը/ վիդեո

Կանայք աշխատանքի շուկայում. օրենսդրական փոփոխություններ