Կանանց դար. Անձնվեր սուֆրաժիստուհիները /վիդեո
20-րդ դարը ամբոխավարության, պատերազմների, տեղեկատվության դար էր: Սակայն այն կարելի է նաև “կանանց դար” անվանել: Դարասկզբին կանայք բարձրաձայն հայտարարեցին իրենց իրավունքների մասին: Առաջին անգամ պատմության մեջ գեղեցիկ սեռի ներկայացուցիչները սկսեցին անմիջական ազդեցություն գործել պատմության ընթացքի վրա: “Կանանց դարը” վավերագրական սերիալը (հեղ. Անդրեյ Եգորով, ռեժ. Յուլիա Սատարովա), որը ցուցադրվել է «Կուլտուրա» ռուսաստանյան հեռուստաալիքով, կոտրում է կարծրատիպային պատկերացումները պատմության մեջ կանանց դերի մասին՝ ներկայացնելով 20-րդ դարի երևելի կանանց մասին գուցե քաջ հայտնի, բայց անարդացիորեն մոռացված փաստերը:
Դարասկզբին կանայք բառացիորեն «խելագարվեցին»: Նրանք այլևս չեն ցանկանում սպասել, թե երբ տղամարդիկ իրենց իրավունքներ կտան: Իրենց անվանեցին սուֆրաժիստուհիներ՝ կանանց ընտրական իրավունքի համար պայքարողներ: 1903-ին. նրբակազմ և համեստ հագնված Էմելին Պանկհերստը դառնում է ֆեմինիստական շարժման առաջնորդը:
“Մենք տապալել ենք բազմաթիվ կառավարական նիստեր, մեզ դաժանորեն դուրս էին նետում այդ հաստատություններից, հաճախ ծեծում և վիրավորում էին»… Սուֆրաժիստուհիները վառում էին Կառավարության տան անդամների տները, կտրում էին հեռախոսալարերը: “Քանի որ քաղաքական գործիչները մեզ չեն լսում, պետք է ոչնչացնենք այն, ինչ թանկ է նրանց համար,- կոչ էր անում Պանկհերստը: Միաժամանակ ռուս ֆեմինիստուհիները կարողացան լիակատար հավասարության հասնել միայն փետրվարյան հեղափոխությունից հետո: Նրանք հայտարարեցին, որ հավասար իրավունքները ենթադրում են նաև հավասար պարտականություններ, ընդհուպ մինչև զինվորական համազգեստ հագնելը: 1917-ին բանակում հայտնվեցին կանանց ստորաբաժանումներ: Երիտասարդ գեղջկուհի Մարիա Բոչկարյովան ռուսական բանակի պատմության մեջ առաջին անգամ ստեղծեց կանանց մահվան բատալյոնը: Մոսկովյան կանանց միության հռչակագրում ասվում է. “Դեռևս ոչ մի երկրում նման ամոթալի բան չի եղել, որ դեզերտիր տղամարդկանց փոխարեն ճակատ դուրս գան կանայք…”
Աղբյուրը՝
Դիտեք նաև մեր կայքում «Կանանց դար» վավերագրական սերիալի մյուս ֆիլմերը.
Կանանց դար. Փիլիսոփայության աստվածուհիները
Կանանց դար. Հոգեվերլուծության ծնունդը
Կանանց դար. «Թռչող ամազոնուհիները»
«Կյանքում կարելի է ոչ միայն ուղևոր լինել»…
Դիտումների քանակը` 3561