Մեկնարկել է ‹‹Երիտասարդ կանայք հանուն Կովկասի խաղաղության» մրցանակի թեկնածուներին առաջադրելու գործըթացը

«Դեմոկրատիան այսօր» հկ-ն հայտարարում է, որ այս տարվա ‹‹Երիտասարդ կանայք հանուն Կովկասի խաղաղության» մրցանակին հավակնող թեկնածուների առաջադրման հայտերի ընդունման վերջնաժամկետը 2016 թ. հուլիսի 15-ն է :

Թեկնածուներին կարող են ներկայացնել առանձին անձինք կամ խմբեր: Թեկնածուի ինքնաառաջադրումը չը ընդունվում: Դիմումի ձևաթղթերը լրացնելուց և ներկայացնելուց առաջ, անհրաժեշտ է տվյալ թեկնածուի համաձայնությունը: Եթե դա հնարավոր չէ, ապա խնդրվում է պարզաբանել, թե ինչու չեք կարող ստանալ համաձայնությունը:

Դիմումի ձևաթուղթըն այստեղ.

Այն կարող է ներկայացվել հայերեն, ադրբեջաներեն, վրացերեն, անգլերեն, ռուսերեն և այլ լեզուներով, սակայն անգլերենով և / կամ ռուսերենով թարգմանությունը պարտադիր է.

Ընտրական հանձնաժողովների զեկույցների հիման վրա` ‹‹Հարավային Կովկասում հանուն խաղաղության կանանց նախաձեռնության›› խորհուրդը որոշում է հաղթողին: Մրցանակին հավակնող անվանակարգերը (թեկնածությունները) հայտարարվելու են 2016 թ. օգոստոսի 15-ին:

Հիշեցնենք, որ ‹‹Երիտասարդ կանանց Կովկասի խաղաղության մրցանակի›› հիմնադրվել է խաղաղության կառուցման գործում երիտասարդ կանանց բացառիկ դերի և առաջնորդական կարողությունների, կոնֆլիկտների կանխարգելման գործում նրանց կարևորագույն դերի ճանաչման, ինչպես նաև մարդու իրավունքների վերականգնման պաշտպանության նպատակով:

Սույն մրցանակի ստեղծման գաղափարի հիմքում խաղաղության և մարդու իրավունքների հայտնի ակտիվիստ, Օլաֆ Պալմեի անվան Խաղաղության մրցանակակիր, մարդու իրավունքների պաշտպանության մեծ ջատագով և խաղաղարար Անահիտ Բայանդուրի (1931-2011) գործունեությունն է:

Պարգևը նախատեսված է աջակցելու խաղաղության կառուցողների նոր սերնդին: Պարգևի նպատակն է ճանաչել երիտասարդ խաղաղարարների ներդրումը խաղաղության կառուցման գործում, ինչպես նաև նրանց խրախուսել և աջակցել՝ դրանով իսկ նրանց հնարավորություն տալով զգալու պատասխանատվություն ոչ միայն իրենց համայնքների, այլեւ այն աշխարհի համար, որտեղ նրանք ապրում են:

Մրցանակին կարող են հավակնել 25-ից մինչեւ 45 տարեկան երիտասարդ կանայք կամ այն կազմակերպությունները, որոնք իրենց համայնքներում ներդրում են ունեցել խաղաղության ամրապնդման գործում: Նրանք պետք է լինեն այն անձինք, որոնց խաղաղարար և իրավապաշտպան գործունեությունը հայտնի է հասարակությանը: Դա կարող է լինել քաղաքացիական ակտիվության, գիտական աշխատանքի, լրագրողական հրապարակումների, սոցիալական հոդվածների օգտագործման արտահայտություն` որպես գործունեության միջոց: Տվյալ գործունեությունը պետք է երկարաժամկետ ներգործություն ունենա խաղաղության և վստահության ստեղծման գործընթացի վրա: Անձի կամ կազմակերպության աշխատանքի աշխարհագրական վայրը կամ ներկա բնակության վայրը էական չեն, կարևորը նրանց գործունեությունն է և դրա կապը կովկասյան տարածաշրջանի հետ:

Մրցանակին հավակնող անվանակարգերը (թեկնածությունները) հայտարարվելու են 2016 թ. օգոստոսի 15-ին:

Մրցանակաբաշխությունը տեղի կունենա սեպտեմբերի 7-9՝ Երևանում անցկացվող ամենամյա միջազգային կոնֆերանսի շրջանակում: