Պատմի՛ր քո պատմությունը Armeniangenocide100.org վեբ կայքում

Ճեղքել լռությունը

Հայոց ցեղասպանության 100-ամյակին նվիրված միջոցառումների շրջանակներում հունվարի 30-ին բացվել է Armeniangenocide100.org վեբ-կայքը։

Կայքում կարելի է տեղեկություն գտնել Հայոց ցեղասպանության զոհերի հիշատակին նվիրված միջոցառումների մասին, ինչպես նաեւ այդ հարցին նվիրված միջազգային հոդվածներ եւ նյութեր։ Կայքը հասանելի է երեք լեզուներով ՝ հայերեն, ռուսերոն, անգլերեն:

Կայքում գործում է առանձին մի բաժին՝ «Պատմի՛ր քո պատմությունը» խորագրի ներքո։ Այս հարթակում ամեն հայորդի, աշխարհի որ ծայրում էլ որ գտնվի, կարող է համայն հայությանը և կայքի այցելուներին պատմել իր նախնիների պատմությունը։ Այս հարթակը բացառիկ հնարավորություն է տալիս նույն գերդաստանի, նույն ընտանիքի սերունդներին՝ գտնել միմյանց։

Պարտադիր դաշտերը լրացնելուց հետո, որոնք են՝ պատմողի տվյալները, վերապրողի տվյալները, ժամանակաշրջանը,պատմությունը ներբեռնվում է կայքում, ապա և հասանելի դառնում բոլոր այցելուների համար։ Նախատեսված է, այսօր իրենց ժառանգած ազգանունից բացի, գրանցել նաև բոլոր այն ձևափոխված ձևերը, որոնք գոյություն են ունեցել նախկինում կամ կարողեն գոյություն ունենալ այսօր։ Սա բացառիկ մի շտեմարան է, որը աշխարհասփյուռ հայերին հնարավորություն կտա գտնել հարազատներին և բարեկամներին։

Կարդացեք թեմայի շուրջ մեր կայքում.

100 Lives. կարեւորենք մարդկային արժեքները

Ցեղասպանությունից հայ որբերին փրկած օտարազգի կանայք

Դառնալով մեկ ուրիշը …