16 օրյակի օրացույց.«Փոփոխությունների թատրոնը» եւ ՄԱԲՀ- ը հրավիրում են…

«Ընդդեմ գենդերային բռնության ակտիվության 16–օրյակ» քարոզարշավի շրջանակներում «Փոփոխությունների թատրոն»-ը՝    ՄԱԿ–ի Բնակչության հիմնադրամի հայաստանյան գրասենյակի աջակցությամբ հանդես է գալիս իր ինտերակտիվ ներկայացումներով:

Դեկտեմբերի 1–ին ՁԻԱՀ–ի դեմ պայքարի միջազգային օրվա առթիվ «Վանաձորում ներկայացվեց իր «Ու՞մ մտքով կանցներ» ինտերակտիվ ֆորում բեմադրությունը՝ նվիրված ՄԻԱՎ վարակակիրների հանդեպ խտրականության վերացմանը։

16 օրյակի ընթացքում նախատեսված է եւս երկու ներկայացում.

Դեկտեմբերի 9-ին՝

«Ծիածանի գործով աննախադեպ դատավարություն» ինտերակտիվ ներկայացում՝ նվիրված Հայաստանում տղա երեխաների նախապատվության հիմնախնդրին

Հենրիկ Մալյանի անվան թատրոն, Երևան, Վարդանանց 18, ժամը՝ 19:00

Դեկտեմբերի 10-ին՝

«Ես կին եմ» ինտերակտիվ ներկայացում՝ նվիրված ընտանեկան բռնության հիմնախնդրին

Վանաձորի Հովհաննես Թումանյանի անվան պետական մանկավարժական ինստիտուտի դահլիճ, ժամը՝ 16:00

Երիտասարդ արտիստներից բաղկացած «Փոփոխությունների թատրոն» հասարակական կազմակերպությունն արդեն հինգ տարի է’ գործում է Հայաստանում: Քաղաքացիական պատասխանատվության եւ հասարակական իրազեկման բարձրացման նպատակով թատրոնը ներկայանում է ոչ միայն Հայաստանի մարզերում, այլ նաեւ երկրի սահմաններից դուրս’ փորձելով ինտերակտիվ ներկայացումների միջոցով վեր հանել խնդիրներ, որոնք առկա են հասարակության մեջ:

« Մենք հավատում ենք, որ մասնակցային բնույթ կրող ինտերակտիվ-թատերային մեթոդոլոգիան ի զորու է քաջալերել մարդկանց սեփական կյանքում փոփոխություններ կատարելու և այլոց վրա դրական ազդեցություն ունենալու համար», – ասում է  «Փոփոխությունների թատրոն» -ի ղեկավար Կարեն  Սեկոյանը: