Փարիզում կայացել է ցույց, որի մասնակիցները պահանջել են արգելել FEMEN կազմակերպության գործունեությունը:

Ակցիայի կազմակերպիչները՝ տեղական կաթոլիկ ասոցիացիաները ու աջ ուժերը, ֆրանսիական իշխանություններին մեադրել են սկանդալային ակտիվիստուհիների «ամենաթողական գործունեության» համար, ինչպես նաեւ նրանց ակցիաների հանդեպ հանդուրժողականության: FEMENիստուհիներին նրանք մեղադրել են «կրոնի, Աստծո ու քրիստոնյա Եվրոպայի հանդեպ ատելության մեջ»:

Ակցիայի մասնակիցներին ամենաշատը վրդովվեցրել է Ֆրանսիայի խորհրդանիշ Մարիաննայի պատկերով նամականիշի բաց թողումը: Խնդիրն այն է, որ  Ֆրանսիայի նախագահի համաձայնությամբ այս տարի որպես Մարիաննայի նախատիպ նկարիչը վերցրել է FEMEN-ի առաջնորդուհի Իննա Շեւչենկոյին:

Նշենք, որ մինչ այդ  Ֆրանսիայի ազատ ոգու  խորհրդանիշ  հանդիսացող Մարիաննայի նախատիպ են  հանդիասացել   հիմնականում հայտնի  դերասանուհիներ կամ երգչուհիներ` 1968-ին Բրիջիտ Բարդոն,   1972-ին   Միշել Մորգանը,  , 1978 –ին Միրեյ Մատյեն,  1985 –ին  Կատրին Դենեվը,  իսկ 2012-ին  – Սոֆի Մարսոն: Եվ ահա  անցյալ տարի   որոշել են վերադառնալ խորհրդանիշի ակունքներին  ` ընտրելով  Ֆրանսիայում քաղաքական ապաստան ստացած  Իննա Շեվչենկոյին ` ազատության եւ արդարության համար իր տարած պայքարի համար… Այլ հարց է , որ  այդ պայքարի եղանակները միշտ  չէ, որ ընդունելի են լայն հասարակության  համար, նույնիսկ Ֆրանսիայում…