Ֆեմինիստ Անիտա Սարգսյանը աշխարհի թոփ 100 ամենաազդեցիկ մարդկանց ցուցակում է

Ամերիկյան Time հանդեսը ներկայացրել է աշխարհի 100 ամենաազդեցիկ մարդկանց ռեյտինգը, որը կազմված է հինգ բաժիններից, տիտաններ, առաջամարտիկներ,  արտիստներ, առաջնորդներ եւ կերպարներ։ Առաջամատիկների բաժնում ամենազդեցիկ են ճանաչվել բրիտանացի դերասանուհի Էմմա Ուոթսոնը, ֆեմինիստ Անիտա Սարգսյանը եւ ամերիկացի դերասանուհի Ռիզ Ուիզերսպուն։

Հիշեցնենք« որ կանադահայ  Ֆեմինիստուհի Անիտա Սարգսյանը   հայտնի է որպես գեյմեր եւ  Feministfrequency  բլոգի հեղինակ, որի միջոցով  պաշտպանում է կանանց իրավունքները տեսախաղերում:  Նա  Tropes vs. Women in Video Games վիդեոշարքի  հեղինակն է, որը պատմում է տեսախաղերում  կանանց նկատմամբ սեքսիզմի դրսեւորումների մասին: Անիտան  նվաստացուցիչ է համարում այն, որ կանանց սովորաբար «գեղեցիկ եւ սեքսուալ դեկորացիայի» դեր է վերապահվում: Նրա առաջին տեսահոլովակը հայտնվել էր 2013թ., ինչից հետո  Սարգսյանը սկսել էր ենթարկվել համացանցից օգտվողների հարձակումներին, նրա դեմ հալածանքների ու սպառնալիքների  մեծ ալիք էր ծավալվել:  Time -ը  գրում է, որ Անիտան ըդգրկվել է թոփ 100 ցուցակում , քանի որ առաջիններից  էր, ով փորձեց պաշտապանել կանանց իրավունքները տեսախաղերում եւ հետեւողականորեն շարունակում է իր պայքարը՝ օգտագործելով ժամանակակից տեխնոլոգիաները:

Ի դեպ վերջերս Անիտան հրապարակել է նոր տեսահոլովակ, որում փորձել է ներկայացնել նաեւ կանանց դրական  կերպարները տեսախաղերում: Նա նաեւ պատրաստվում էվերլուծել տղամարդկանց կերպարները տեսախաղերում:

Նշենք, որ Time-ի ցուցակի ամենահեղինակավոր առաջնորդներն են ՌԴ նախագահ Վլադիմիր Պուտինը, Հնդկաստանի վարչապետ Նարենդրա Մոդին, Կուբայի ղեկավար Ռաուլ Կաստրոն, Հարավային Կորեայի առաջնորդ Կիմ Չեն Ինը, ԱՄՆ նախկին պետքարտուղար Հիլարի Քլինթոնը, նախագահ Բարաք Օբաման եւ Գերմանիայի կանցլեր Անգելա Մերկելը։ Իսկ  ամենազդեցիկ կերպարներ են ճանաչվել Հռոմի Ֆրանցիսկոս պապը, ճապոնացի գրող Խարուկի Մուրակամին, իսլանդացի երգչուհի Բյորկը, պակիստանցի իրավապաշտպան Մալալա Յուսուֆզայը, ամերիկա- ֆրանսիական մոդելյոր  Դիանա ֆոն Ֆյուրստենբերգը։

Կարդացեք թեմայի շուրջ մեր կայքում.

Գեյմեր Անիտա Սարգսյանը սպառնալիքներ է ստանում՝ կանանց իրավունքները տեսախաղերում պաշտպանելու համար

Էմմա Ուոթսոնը կոչ արեց տղամարդկանց պայքարել գենդերային հավասարության համար