Օրորոցը» օգնության ձեռք մեկնեց Տավուշի մարզի սահմանամերձ բնակավայրերի նորածինններին

«Համալսարանական կրթության կանանց ասոցացիայի» և «Հայաստան»Համահայկական հիմնադրամի համատեղ ջանքերով դեռեւս 2002 թվականից իրականացվող «Օրորոց» բարեգործական ծրագիրը շարունակում է իր անձնվեր գործունեությունը: Այս տարվա փետրվարի 20-ին ծրագրի շրջանակում փաթեթներ հանձնվեցին Տավուշի մարզի սահմանմերձ գյուղերի ավելի քան 39 նպաստառու ընտանիքների: Շուրջ 170 դոլլար արժողությամբ փաթեթն իր մեջ ներառում է հագուստ, սնունդ և նորածին երեխաների համար անհրաժեշտ խնամքի պարագաներ: Արդեն մի քանի անգամ փաթեթներ են հանձնվում Տավուշի մարզի Բերդ,Նոյեմբերյան, Իջևան համայնքների մինչև 1 տարեկան երեխա ունեցող, սոցիալապես անապահով ընտանիքներին:

Նոյեմբերյանի սոցիալական ծառայության պետ Սամվել Բեգլարյանը մեզ հետ զրույցում նշեց, որ ծրագիրն իրագործվում է բացառապես հանգանակված գումարների շնորհիվ և նպատակ ունի քաջալերել երեխաների ծնելիությունը, հատկապես Տավուշի մարզի սահմանամերձ գոտում: Ի լրում արդեն ասվածին սոցիալական ծառայության պետը ավելացրեց. « Ծրագիրը կրում է շարունակական բնույթ: Այսօր, մարզում կան ավելի քան 900 անապահով ընտանիքներ, որոնք ունեն օրհասական մի շարք կենցաղային խնդիրներ: Նման միջոցառումներով մենք սատար ենք կանգնում նրանց»:

« Համալսարանական կրթությամբ կանանց ասոցացիայի նախագահ Ջեմմա Հասրաթյանը տեղեկացրեց, որ ծրագիրն իրականցվում է Հայաստան համայակական հիմնադրամի և 30 հասարակական կազմակերպությունների հետ համատեղ:

« Ծրագրի նպատակն է աջակցել սահմանային գյուղերի ընտանիքներին: Հաշվի ենք առնում, այն փաստը,որ այդ գյուղերի բնակիչներ ըստ էության չունեն համապատասխան գումար,քանի որ նրանցից շատերը զբաղվում են գյուղատնտեսությամբ, և ոչ բոլոր դեպքերում են կարողանում իրացնել գյուղատնտեսական ապրանքները: Ինչպես նաև պետք է հաշվի առնել այն հանգամանքը, որ գյուղերում չկան մանկական խանութներ, նորածինների համար համապատասխան իրեր»,-հավելեց տիկին Հասրաթյանը:

«Օրորոց» ծրագրի շրջանակում յուրաքանչյուր եռամսյակը մեկ անապահով ընտանիքները ստանում են «Առողջ մանկիկի փաթեթը» : Ըստ տիկին Հասրաթյանի ծրագրի շրջանակում տրվող հագուստները կարվում են «Տոսպ»և«Նուբարաշենի տրիկոտաժի ֆաբրիկաներում»:

«Վերջին 3 տարիների ընթացքում մեզ աջակցում են ` «Բաց հասարակության հիմնադրամը» և «Հայաստան» համահայկական հիմնադրամը»: Մեզ հետ համագործակցում են նաև Սփյուռքում գտնվող հայերը,, օգնում են անհատներ ձեռներեցներ, կամակերպություններ»,-հավելեց տիկին Հասրաթյանը:

Ծրագիրն ունի միասնական 3 հաշվեհամար` դրամային, դոլլարային և եվրոյի: Այն բացվել է Հայաստան հիմնադրամի կողմից: Գումարները կուտակվում են այդ հաշվեհամարների վրա: Երբ հաշվեհամարից գումար է հանվում, դա տեղի է ունենում համատեղ համաձնությամբ և ստորգրությամբ:

«Մենք կնքում ենք հիմնադրամի հետ պայմանագիր, գումարը փոխանցում ենք այդ հաշվի վրա, որից հետո փաթեթները կազմելու համար նախատեսված յուրաքանչյուր փոխանցում, կատարվում է համատեղ համաձայնությամբ: Յուրաքանչյուր ոք, ով գոնե 1 դրամով աջակցի «Օրորոցին», կարող է համոզված լինել , որ այն կհասնի հասցեատերերին» , – եզրափակեց Ջեմմա Հասրաթյանը:

Լիանա Սարգսյան

Յուրաքանչուր ժողովրդի համար գթասրտությունը ազգային արժեք է: