Պատկերացրեք ապագան IGNITE նախաձեռնության հետ միասին

Կանանց համաշխարհային հիմնադրամը հայտարարում է «IGNITE: Կանայք գիտութան եւ տեխնոլոգիաների հասանելիության համար» նոր տեխնոլոգիական նախաձեռնության մեկնարկի մասին, որն ուղղված է վերացնելու գենդերային բացը գիտության մեջ և տեխնոլոգիայում: Ցավոք, ուսումնասիրությունները ցույց են տալիս, որ ժամանակակից տեխնոլոգիաների հասանելիության հարցում կանայք հետ են մնում տղամարդկանցից:

IGNITE առցանց քարոզարշավը՝ մուլտիմեդիա նախագիծ է, որը նպատակ է դնում ուսումնասիրել գիտության և տեխնոլոգիայի դերը կանանց իրավունքների առաջխաղացման հարցում եւ աջակցություն ցուցաբերել կանանց տեխնոլոգիաների հասանելիության առումով:

IGNITE համախմբելու է առաջատար մասնագետների, առաջնորդների, նորարարների, իրավապաշտպանների ամբողջ աշխարհում, ովքեր կկիսվեն իրենց հաջողության պատմություններով: IGNITE –ին են միանում Ֆեյսբուքի Շերիլ Սանդբերգը իր հեղինակած «Կանայք, աշխատանքը և առաջնորդելու կամքը» գրքով, Ռեշմա Սաուջանիին, երգիչ/երգահան Քերոլայն Մալաչիին, UNESCO-ի գործադիր տնօրեն Իրինա Բոկովային և այլոք:

IGNITE կոչ է անելու կառավարություններին, հիմնադրամներին և կորպորացիաներին ներդրումներ կատարել՝ լրացնելու համար այն գենդերային բացը, որ կա տղամարդկանց և կանանց միջև գիտության և տեխնոլոգիայի հասանելիության առումով: Դա հնարավորություն կընձեռի նկատելի առաջընթաց գրանցել հավասարության և մարդու իրավունքների պաշտպանության առումով, համոզված են նախաձեռնության հեղինակները:

«Մենք չենք կարող բաժանել գլոբալ տեխնոլոգիական բացը և կանանց իրավունքների ապագան», -ասում է Մուսիմբի Կանյորոն՝ Կանանց գլոբալ հիմնադրամի նախագահը: «Մենք աշխատում ենք կանանց կազմակերպությունների հետ ամբողջ աշխարհից, որոնք ասում են, որ այդ բացթողումը շատ խորն է: Մենք համաշխարհային տեխնոլոգիական հեղափոխության կիզակետում ենք և եթե կանայք ետևում մնան, հետևանքները շատ տխուր կլինեն»:

Կանանց համաշխարհային հյիմնադրամը համագործակցում է ՄԱԿ-կանայք կառույցի հետ, որը ակտիվորեն խթանում է կանանց մասնակցությունը տեղեկատվական և հաղորդակցական տեխնոլոգիաներին:

«Գիտությունը, տեխնոլոգիան և նորարարությունը հանդիսանում են գլոբալ զարգացման օրակարգի հիմքը», – ասում է Մլամբո Նգուկան: Գիտության, տեխնոլ;ոգիայի և նորարարության փոխակերպվող ուժն ու ներուժը անհերքելի են, և կանանց ներգրավվածությունը այդ ոլորտներում մեր ժամանակի հրամայականներն են: Գենդերային հավասարությունն ու կանանց առաջխաղացումը չի կարող տեղի ունենալ առանց գիտության, տեխնոլոգիայի և նորարարության, և համապատասխանաբար այս ոլորտները կտուժեն առանց կանանց տաղանդի, հեռանկարների և գիտելիքի»:

Որպես տեխնոլոգիական նախաձեռնության մի մաս Կանանց համաշխարհային հիմնադրամը ստեղծել է նաև տեխնոլոգիական հիմնադրամ, որի նպատակն է ներդնել ավելի քան երկու մլն դոլար առաջիկա երեք տարիների ընթացքում՝ հասանելի դարձնելու տեխնոլոգիաները կանանց և աղջիկների համար:

IGNITE ներառի նաև մի բաղադրիչ, որի միջոցով մարդիկ ամենուրեք հրավիրվում են նկարագրելու, թե ինչպես առաջացավ իրենց մոտ հետաքրքրությունը գիտության և տեխնոլոգիայի նկատմամբ: Այս պատմությունները կհավաքագրվեն Symantec-ի 10 միջազգային աշխատակիցների կողմից, որը IGNITE-ի գլխավոր հովանավորն է:

Ուղարկեք ձեր հաջողոթյան պատմություններն այստեղ

Ստորագրեք IGNITE նախաձեռնության ուղերձը այստեղ

Ուղերձը ստորագրություններով ներկայացվելու է ՄԱԿ -ի կենտրոնական գրասենյակ 2015-ի Մարտի 8-ին:

Դիտեք քարոզարշավի տեսահոլովակը՝

«Պատկերացրեք ապագան՝ Կանայք խոսում են փոփոխություններ սկսելու ներուժի մասին»

Կարդացեք թեմայի շուրջ մեր կայքոմ.