ՄԱԿ-ի Գլխավոր քարտուղար. « Պետք է կոտրենք լռությունը»:

ՄԱԿ-ի Գլխավոր քարտուղար Բան կի Մունը հանդես է եկել  ուղերձով  Կանանց նկատմամբ բռնության վերացման օրվա  կապակցությամբ.

Սեռական և գենդերային հիմքով բռնությունը գլոբալ և համակարգային անհավասարության ամենածայրահեղ դրսևորումն է, որին ենթարկվում են կանայք և աղջիկները: Այն չի ճանաչում աշխարհագրական, սոցիալ-տնտեսական կամ մշակութային սահմաններ:

Ողջ աշխարհում երեք կնոջից մեկը իր կյանքի ինչ-որ պահին ենթարկվում է ֆիզիկիկական կամ սեռական բռնության` սկսած բռնաբարությունից և ընտանեկան բռնությունից, մինչև ոտնձգություններ աշխատավայրում և հետապնդում համացանցում:

Միայն այս տարի Նիգերիայում առևանգվել է ավելի քան 200 աղջիկ:Ականատես ենք եղել Իրաքի կանանց` հակամարտության ընթացքում բռնաբարության և սեռական ստրկության մասին պատկերավոր վկայությունների: Երկու հնդիկ աշակերտուիներին բռնաբարել, սպանել և կախել էին ծառից: Իսկ ԱՄՆ-ում սպորտային թիմերում և համալսարանական կամպուսներում սեռական բռնության` մեծ արձագանք գտած դեպքեր են եղել: Կանայք և աղջիկները բռնության են ենթարկվում բոլոր երկրներում և թաղամասերում, բայց այս հանցագործությունների մասին հաճախ չեն բարձրաձայնում և թաքցնում են: Պետք է կոտրենք լռությունը:

Ահա թե ինչու` այս տարվա Յուրաքանչյուր ոք պարտավոր է կանխել և վերջ տալ կանանց և աղջիկների հանդեպ բռնությանը` սկսելով այս ամենը հնարավոր դարձնող խտրականության մշակույթին ընդդիմանալուց: Մենք պետք է կոտրենք  գենդերային բացասական կարծրատիպերն ու վերաբերմունքը, խտրականությունն ու շահագործումը կանխելուն և արմատախիլ անելուն ուղղված օրենքներ ներմուծենք ու իրագործենք և ընդդիմանանք  անպատշաճ պահվածքին, երբ էլ որ ականատեսը լինենք:

Պետք է դատապարտենք բռնության բոլոր դրսևորումները, հավասարություն հաստատենք մեր աշխատանքային և ընտանեկան կյանքում և փոխենք կանանց ու աղջիկների առօրյան:

Կար ժամանակ, երբ համարվում էր, որ կանանց իրավունքները միայն կանանց գործն են, բայց ավելի ու ավելի մեծ թվով տղամարդիկ և տղաներ են իրական գործընկերներ դառնում կանանց հնարավորությունների և իրավունքների  ընդլայնմանն ուղղված ճակատամարտում: Երկու ամիս առաջ հայտարարեցի մեկնարկը Բոլորս դեր ունենք այս գործում, և ես կոչ եմ անում՝ ստանձնե՛ք Ձեր դերը:

Եթե համախմբվենք մեր տներում, համայնքներում, երկրներում և ողջ աշխարհում, ապա կկարողանանք մարտահրավեր նետել խտրականությանն ու անպատժելիությանը և վերջ դնել կանանց ու աղջիկների նկատմամբ բռնության համաշխարհային խարանը խրախուսող, անտեսող կամ հանդուրժող մտածելակերպին ու ավանդույթներին: