Լեդի Գագայի նոր տեսահոլովակը՝ ի պաշտպանություն սեռական բռնության ենթարկվածների

«Դու չես իմանա, թե ես ինչ եմ զգում, մինչեւ քեզ հետ դա չպատահի…»,- Լեդի Գագան իր նոր երգով փորձում է բացատրել, թե որքան դժվար է հասկանալ սեռական բռնության ենթարկվածներին:

«Till it happens to you» տեսահոլովակը յուրօրինակ սոցիալական գովազդ է՝ ի աջակցություն սեռական բռնության ենթարկված աղջիկների: Տեսահոլովակը պատկերում է համալսարանական հանրակացարաններում բնակվող աղջիկների նկատմամբ սեռական բռնության տեսարաններ՝ իրազեկելով, որ յուրաքանչյուր 5-րդը նրանցից ենթարկվում է սեռական բռնության:

«Մենք հուսով ենք, որ դուք զգում եք մեր սերն ու համերաշխությունը երգի միջոցով»,- «Թվիթերում» գրել է երգչուհին: Գագան խոստացել է երգից ստացված ողջ հասույթը նվիրաբերել սեռական բռնության ենթարկվածներին աջակցող հասարակական կազմակերպություններին:

Լեդի Գագայի տեսահոլովակը հաջորդել է սեռական բռնության վերաբերյալ «The Hunting Ground» վավերագրական ֆիլմին, որը պատմում է համալսարանական կամպուսներում տեղի ունեցող սեռական բռնությունների մասին:

Ֆիլմի մասին առավել մանրամասն տեղեկություններ պաշտոնական կայքում :