Ի՞նչ է առաջարկում եւ ի՞նչ է ակնկալում կառավարությունը

Փաստաթղթեր, օրենքներ

«Կանանց և տղամարդկանց հավասար իրավունքների և հավասար հնարավորությունների ապահովման մասին» օրենքում հանելով «գենդեր » հասակցության ձեւակերպումը կառավարությունը փորձում է խուսափել այդ օրենքի տարընթերցումներից: Դրա մասին են վկայում առաջարկվող օրինագծի բովանդակությունն ու հիմնավորումը ըստ կառավարության պաշտոնական կայքի:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՕՐԵՆՔԸ

«Կանանց և տղամարդկանց հավասար իրավունքների և հավասար հնարավորությունների ապահովման մասին» Հայաստանի Հանրապետության օրենքում փոփոխություններ կատարելու մասին»

Հոդված 1. «Կանանց և տղամարդկանց հավասար իրավունքների և հավասար հնարավորությունների ապահովման մասին» Հայաստանի Հանրապետության 2013 թվականի մայիսի 20-ի ՀO-57-Ն օրենքի (այսուհետ` Օրենք) 3-րդ հոդվածի 1-ին մասի 1-ին, 11-րդ և 12-րդ ենթակետերն ուժը կորցրած ճանաչել:

Հոդված 2. Օրենքի 5-րդ հոդվածի 1-ին և 2-րդ մասերում «գենդերային հարաբերություններ» բառերը փոխարինել «կանանց և տղամարդկանց հավասար իրավունքները և հավասար հնարավորությունները» բառերով:

Հոդված 3. Սույն Օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀԻՄՆԱՎՈՐՈՒՄ

Իրավական ակտի հիմնավորումը

Անհրաժեշտությունը

«Կանանց և տղամարդկանց հավասար իրավունքների և հավասար հնարավորությունների ապահովման մասին» Հայաստանի Հանրապետության օրենքում փոփոխություններ կատարելու մասին» Հայաստանի Հանրապետության օրենքի նախագծի (այսուհետ` նախագիծ) ընդունումը նպատակ ունի կանանց և տղամարդկանց վերաբերյալ՝ Օրենքով ամրագրված ձևակերպումները զերծ պահելու հասարակական տարաբնույթ մեկնաբանություններից և տարընթերցումներից:

Ընթացիկ իրավիճակը և խնդիրները

«Կանանց և տղամարդկանց հավասար իրավունքների և հավասար հնարավո¬րու¬թյուն¬ների ապահովման մասին» Հայաստանի Հանրապետության օրենքը ՀՀ Աժ-ի կող¬մից ընդունվել է 2013թ. մայիսի 20-ին` անցնելով երեք ընթերցում:

Օրենքը սահմանում է քաղաքական, սոցիալական, տնտեսական, մշակույթի և հա¬սա-րակական կյանքի այլ ոլորտներում կանանց և տղամարդկանց հավասար իրա¬վունք¬նե¬րի և հավասար հնարավորությունների ապահովման երաշխիքները և կարգավորում է դրանց առնչությամբ ծագող հարաբերությունները: Օրենքի հանրային և խորհրդա¬րա¬նա¬կան քննարկումների, ինչպես նաև Օրենքի նախագծի նախնական տարբերակում (2010թ. մա-յիսի 13-ից մինչ օրս այն տեղակայված է նախարարության www.mss.am ինտեր¬նետա¬յին կայքում) առկա են եղել գործող Օրենքում օգտագործվող բոլոր հասկացությունները: Սակայն, վերջին շրջանում մի շարք հասարակական կազմակերպությունների կողմից Օրենքում օգտագործվող «գենդեր, գենդերային», «գենդերային հարաբերություններ» հաս¬-կացությունների տարաբնույթ ընկալումն ու դրանց վերաբերյալ տրված մեկ¬նա¬բա¬նու-թյուն¬ները հասարակության կողմից Օրենքի քննադատության պատճառ են դարձել, չնա-յած այն հանգամանքին, որը Օրենքը սահմանում է քաղաքական, սոցիալական, տնտե¬սա-կան, մշակութային և հասարակական կյանքի այլ ոլորտներում կանանց և տղա¬մարդ¬կանց հավասար իրավունքների և հավասար հնարավորությունների ապահովման երաշ¬խիք¬ները և կարգավորում է դրանց առնչությամբ ծագող հարաբերությունները: Հարկ է նշել, որ միջազգային հիմնական փաստաթուղթը` «Կանանց նկատմամբ խտրա¬կանու¬թյան բոլոր ձևերի վերացման մասին» ՄԱԿ-ի կոնվենցիան (ընդունվել է 1993թ.), ըստ որի պե-տությունը ստանձնել է կանանց և տղամարդկանց իրավահավասարության վերա¬բեր¬յալ պարտավորություններ, կոչ է անում մասնակից պետություններին դատապարտել կա-նանց նկատմամբ խտրականությունն իր բոլոր ձևերով և համապատասխան բոլոր մի¬ջոց-նե¬րով` ներառյալ օրենսդրական միջոցները, վարել կանանց նկատմամբ խտրակա¬նու¬թյան վերացման քաղաքականություն: Բացի այդ վերոհիշյալ փաստաթղթում «գենդեր, գեն-դերային», «գենդերային հարաբերություններ» եզրույթներ գործածված չեն:

Հիմք ընդունելով վերոգրյալը, հաշվի առնելով հասարակության և Հայ առաքելական եկե-ղեցու մտահոգությունը Օրենքի հնարավոր բացասական հետևանքների վերաբերյալ, ինչպես նաև այն, որ այս հասկացությունները օպերատիվ կարգավորում չեն ենթադրում և դրան¬ցից բխող նորմեր օրենքում չկան, սույն նախագծով առաջարկվում է Օրենքից հանել այն հասկացությունները, որոնք հնարավոր տարընկալման առիթ կարող են հանդի¬սա¬նալ:

Կարգավորման նպատակը և բնույթը

Նախագծով առաջարկվում է`

«Կանանց և տղամարդկանց հավասար իրավունքների և հավասար հնարավո¬րու¬թյունների ապահովման մասին» Հայաստանի Հանրապետության օրենքի (այսուհետ` Օրենք) 3-րդ հոդվածի 1-ին մասի 1-ին, 11-րդ և 12-րդ ենթակետերն ուժը կորցրած ճանաչել:

Օրենքի 5-րդ հոդվածի 1-ին և 2-րդ մասերում «գենդերային հարաբերություններ» բա¬ռերը փոխարինել «կանանց և տղամարդկանց հավասար իրավունքները և հա¬վասար հնարավորությունները» բառերով: