Արարատի մարզի ավագանիներում կանանց ներկայացվածությունը կրկնակի աճել է

Սեպտեմբերի 18-ին Արագածոտնի, Արարատի, Արմավիրի, Սյունիքի և Տավուշի մարզերի թվով 317 համայնքներում կայացած ՏԻՄ ընտրություններում ավագանու անդամի համար պայքարում էր 2 692 թեկնածու, որից 339 կանայք էին (12.6%): ԿԸՀ-ի ամփոփ տվյալներով ընտրված ավագանու 2022 անդամներից 239-ն են կանայք , ինչը 11.8 % է կազմում: Մինչ ընտրությունները , ՀՀ ԱՎԾ տվյալներով, նշված հինգ մարզերի ավագանիների կազմում կանայք 9.4 % են ներկայացված եղել: Հատկանշական է , որ սեպտեմբերի 18-ի ընտրությունների արդյունքում Արարատի մարզում կանանց ներկայացվածությունը ավագանիներում ավելի քան կրկնակի աճել է:

Ըստ մարզերի ավագանիներում կանանց ներկայացվածության պատկերն հետեւյալն է.

Արագածոտնի մարզում 526 ընտրված ավագանու անդամներից 48-ը կամ 9.1% կանայք են, մինչ ընտրությունները կանայք մարզի ավագանիներում 5.2 % էին: Այսինքն , այստեղ կանանց ներկայացվախության գրեթե կրկնակի աճ է արձանագրվել:

Արարատի մարզում 602 ընտրվածներից 85-ը կամ 14.1% կանայք են, մինչ ընտրությունները կանայք մարզի ավագանիներում 6.3 % էին: Դա ավելի քան կրկնակի աճ է:

Արմավիրի մարզում 641 ընտրվածներից 80-ը կամ 12.5% կանայք են, մինչ ընտրությունները կանայք մարզի ավագանիներում 8.1 % էին:

Սյունիքի մարզում 55 ընտրվածներից 3-ը կամ 5.5% կանայք են, մինչ ընտրությունները կանայք մարզի ավագանիներում 19.4 % էին: Հիշեցնենք, որ Սյունիքում ընտրություններ են կայացել նաեւ հոկտեմբերի 2-ին եւ դրանց արդյունքում ավագանու 299 ընտրված անդամներից 73-ը կամ 24.4 % կանայք են: Ընդհանուր առմամբ, կանանաց ներկայացվածությունը մարզում աճել է 19.4 % -ից մինչեւ 21.4 %:

Տավուշի մարզում 193 ընտրվածներից 23-ը կամ 11.9% կանայք են, մինչ ընտրությունները կանայք մարզի ավագանիներում 9 % էին:

Ընդհանուր առմամբ, նշված հինգ մարզերից չորսում կանանց ներկայացվածությունը ավագանիներում ավելացել է: Դա սակայն չի վերաբերում խոշորացված համայնքների ընտրություններին, որոնցում կանանց ներկայացվածության զգալի նվազեցում է արձանագրվել:

***

Սեպտեմբերի 18-ին նշված հինգմարզում կայացած հաամյնքի ղեկավարի ընտրություններում 408 թեկնածուներից ընտրվել են 237-ը: Նրանցից միայն երկուսն են կին . Արմավիրի մարզի Արտամետ ր Արևաշատ գյուղերի գործող համայնքապետները՝ Անահիտ Դավթյանը և Սուսաննա Գևորգյանը: Այսինքն , ընտրությունների արդյունքում կին համայնքապետների թիվը նշված մարզերում չի փոխվել, թեպետ համայնքի ղեկավարի պաշտոնի համար պայքարում էր տասը կին:

Հ. Կարապետյան

Կարդացեք թեմայի շուրջ մեր կայքում.

Սեպտեմբերի 18. Համայնքների կին ղեկավարների թիվը չի ավելացել, երկուսըն վերընտրվել են իրենց պաշտոնում

Սեպտեմբերի 18. Խոշորացված համայնքների ավագանիների մեծ մասում կանայք ընդգրկված չեն/ լրացված

Արարատի մարզում կանանց ներկայացվածությունը ավագանիներում կրկնակի աճել է

Հոկտեմբերի 2. Կանանց մասնակցության գրեթե մոգական 11,2 տոկոսը

Խոշորացված համայնքներում կին ավագանիների թիվը երեք անգամ պակասել է

Վանաձոր-2016. Նախնական տվյալներով ավագանիում 7 կին կլինի/ լրացված

Գյումրի-2016. Նախնական տվյալներով ավագանիում կանայք 21% են կազմելու

Հոկտեմբերի 2. Ինքնաբացարկներից հետո համայնքի ղեկավար կին թեկնածուների շարքերը կիսով չափ նոսրացել են

Հոկտեմբերի 2 . Համայնքի ղեկավարների 687 թեկնածուներից 38-ը կանայք են

Սեպտեմբերի 18. Սյունիքի խոշորացված ընտրություններում ընդամենը 5 կին է առաջադրվել