Առաջին հայուհի ռեկտորը` ԱՄՆ պատմության մեջ
Սեպտեմբերի 28-ին կկայանա Հարավային Կոնեկտիկուտի Պետական համալսարանի նոր ռեկտորի երդմնակալության արարողությունը: Ինչպես հայտնում է Courant-ը, այս հաստատության 11-րդ և ԱՄՆ պատմության մեջ բուհի առաջին հայուհի ռեկտորն է դարձել Մարի Ա. Փափազյանը:
Նոր նշանակումը կնշվի ուսումնական հաստատության հարկի տակ անցկացվելիք հայ արվեստի ցուցահանդեսով, որի համադրողն է ամերիկահայ հայտնի կոլեկցիոներ և բարեգործ Վիկի Շողակ Հովհաննիսյանը: Կներկայացվեն Հայաստանից 13 արվեստագետների գեղանկարներ ու քանդակներ:
Մարի Ա. Փափազյանը գիտությունների թեկնածու է, անգլիական գրականության մասնագետ: Նախքան այս պաշտոնը ստանձնելը, նա եղել է Նյու Յորքի համալսարանի Լեհմանի քոլեջի փոխնախագահը: 16-17-րդ դարերի նշանավոր անգլիացի պոետ ու երգիծաբան Ջոն Դոնին նվիրված գրքի հեղինակ է:
Դիտումների քանակը` 5075