Այսօր Գիտության մեջ աղջիկների և կանանց միջազգային օրն է

Փետրվարի 11-ը հայտարարվել է ՄԱԿ-ի կողմից Գիտության մեջ աղջիկների և կանանց միջազգային օր: Այս տարի այն նշվում է առաջին անգամ: ՄԱԿ-ի պաշտոնական օրացույցում այս օրն ամրագրվել է անցյալ տարվա դեկտեմբերին Գլխավոր Ասսամբլեայի թիվ 70/212 բանաձեւի ընդունմամբ: Ի դեպ, այս բանաձեւը նախաձեռնած շուրջ չորս տասնայկ պետությունների թվում եղել է նաեւ Հայաստանը :

Գիտության մեջ աղջիկների և կանանց օրվա սահմանումը նպատակ ունի ապահովելու կանանց ու աղջիկների լիարժեք մուտքը գիտության մեջ: Այսօր գիտությունն ու տեխնոլոգիաների զարգանում են աննախադեպ տեմպերով, սակայն կանայք դեռեւս այդ գործընթացների լիիրավ մասնակիցը չեն: Դար մասին են վկայում ՄԱԿ-ի տվյալները:

Աշխարհի 14 երկրում անցկացված հարցման արդյունքների համաձայն, բնական գիտությունների ոլորտում բակալավրի, մագիստրոսի և գիտությունների դոկտորի աստիճան ստանալու աղջիկների հնարավորությունը կազմում է 18 տոկոս, 8 տոկոս և 2 տոկոս: Տղամարդկանց դեպքում այդ ցուցանիշը համապատասխանաբար կազմում է 37 տոկոս, 18 տոկոս և 5 տոկոս:

ՄԱԿ-ի գլխավոր քարտուղար Բան կի Մունն՝անդրադառնալով օրվա թեմային նշել է, որ գենդերային հավասարությունը գիտության մեջ կարեւոր նախապայման է կայուն զարգացման նպատակների իրագործման ճանապարհին:

Օրվա կապակցությամբ ՄԱԿ-ի կենտրոնական գրասենյակում բարձր մակարդակի համաժողով էր կազմակերպվել :

Հ.Գ. Ըստ ՀՀ Վիճագրական ծառայության տվյալների Հայաստանում գիտական աստիճան ունեցողներից 37 տոկոսը կանայք են: Ըստ Եվրոպական միության վիճակագրական ծառայության, Եվրոպայի գիտնականների մեկ երրորդը կանայք են:

ԱՄՆ-ի Ինդիանայի համալսարանի գիտնականները՝ հաշվարկելով կին եւ տղամարդ գիտնականների կողմից հրապարակումների թիվը, եկել են գրեթե նույն հարաբերակցության . գիտական աշխատությունների հեղինակների կին/տղամարդ համամասնությունը աշխարհում 30 եւ 70% է, համապատասխանաբար:Հետազոտողները վերլուծել են գիտական հոդվածների Web of Science միջազգային բազայում 2008- 2012 թ.թ հրապարակված 5.5 միլիոն գիտական հոդված, որոնց հեղինակներն էին ավելի քան 27 մլն գիտնականներ:

Կարդացեք թեմայի շուրջ մեր կայքում.

Ինչո՞ւ են կին գիտնականները ստվերում մնում

Աշխարհում ամենաերիտասարդ կին միլիարդատերն ու բժշկագիտության մեջ նրա բեկումը

Այսօր Գիտության մեջ աղջիկների և կանանց միջազգային օրն է

Կին գիտնականներ եւ նորարարներ / ֆոտոռեպորտաժ

Самые знаменитые женщины-ученые.

Филдсовскую медаль по математике впервые в истории получила женщина

Лучшие изобретения женщин в истории

Самые известные изобретения женщин.

10 женщин-учёных, изменивших мир

Хэди Ламарр – изобретательница Wi-Fi

Учёные женщины Древней Греции